Aizawl | September 27, 2020: Hmarchhak bial a tourism tih hmasawnna atana kumtin a neih thin Destination North East 2020 chu September ni 27, 2020 hian virtual platform hmang a hawn a ni a. He hunah hian “Emerging Delightful Destinations” tih chu thupuan atan hman a ni a, September ni 27 atang a September ni 30, 2020 thleng a awh dawn a ni.
A hawnna hunah hian Pu Amit Shah, Union Minister of Home Affairs, Dr Jitendra Singh, Union Minister of State, Ministry of Development of North Eastern Region (DoNER), Hmarchhak State Chief Minister-te, Dr Inderjit Singh, Secretary DoNER, Members NEC Prof Biman Kumar Dutta leh Air Marshal Anjan Kumar Gogoi, Pu K Moses Chalai, Secretary NEC leh mi pawimawh dangte an tel a ni.
He hunah hian Shillong band “Summer Salt”-ten Kut hlapui “This is the land and its people” tih sain bul an tan a; a hawnna programme-ah hian Nagaland atangin Voice leh Mizoram atangin Cardinal Choir zaipawl zai ngaihthlak anih bakah Hmarchhak ram bial tourism theme-te leh cultural mosaic te visual presentation hmang a pholan a ni bawk a ni.
Inlawmna thusawiin NEC Secretary chuan hun harsa tak kan hmachhawn mek chungin Hmarchhak ram bial Tourisn sector tuai thar anih theih beiseina nei chungin programme hi kaltlang pui a ni a ti a. DoNER Secretary chuan tun hmalam chuan ‘Destination North East’ hi NER culture leh heritage te India ram hmundangah zau zawka phochhuah anih theihna atan hmun hrang hrangah buatsaih thin anih thusawiin kumin a virtual a hun buatsaih hian a hma zawng aia a thlen zau zawk an beisei thu a sawi a ni. DoNER Secretary hian Hmarchhak ram bial a khualzin mite tana tlawh chi hmun pawimawh hrang hrangte sawilangin hripui leng reh hunah a ram leilung mawia mit ngeia hmuh tum ve turin sawmna a siam a ni.
Dr Jitendra Singh, Minister of State DoNER chuan Destination North East buatsaih anih chhan sawifiahin Hmarchhak ram bial leh India ram hmundangte inkara inlaichinna tha leh inpawhna thuk zawk siam tura hmalakna a ni a ti a. Hmarchhak ram bial chu hmanlai atang tawh a handloom leh handicraft lamah leh cultural heritage lamah a hausak thusawiin ziak leh chhiar thiamna lamah pawh an sang a, Hmarchhak ram bial hian theihna a ngah hle a, Corona hripui leng a kian hunah chuan Europe lama chawlh hmang a kal thin khualzin mite chuan Hmarchhak hi an la pan khawm kan beisei a ni a ti a. Hetiang dinhmun hi a thleng anih chuan hmarchhakah hian sum leh pai tam zawk a luang lut ang a, a ram bial theihna haichhuah a lo ni ang a, India ram Prime Minister Zahawm takin a lo suangtuah thin angin ram hmasawnna khalh kaltu a la ni thei dawn a ni a ti bawk.
Programme hawnna a Khuallian Pu Amit Shah, Union Home Minister chuan thusawiin Hmarchhak bial hmasawnna atana theihtawp chhuah a hmalatu DoNER Minister chu a fak a. Hmarchhak bial Chief Minister Zahawmtakte hmalakna pawh fakin he ram bial hmasawnna atana mi pawimawhte an ni a ti a. India hmarchhak culture heritage, chanchin ngaihnawm leh mawina chu khawvel huapa khualzin mite hiptu mai nilovin India ram culture thuam mawitu pawimawh tak a ni tiin a sawifiah a. Pu Shah chuan Prime Minister Pu Narendra Modi a kaihhruaina hnuaia Hmarchhiak ram bial a remna leh muanna awm chho mek leh PM in he ram bial hmasawnna a ngai pawimawh zia thute sawilangin Sorkar laipuiin Hmarchhak biala investment a siam thinte chu a let tam taka a pun thu leh budgetary support, infrastructure siam leh institution din hmanga Sorkar laipuiin hmalakna a kalpui nasat thute a sawi a. Hmarchhak Bial chu Act East Policy hnuaia kawngpui pawimawh tak anih chhoh ngei a beisei thu leh Hmarchhak Bial hrang hrangte chu sumdawnna hmunpui, tourism, organic farming leh cultural hmunpui an la nih chhoh ngei a beisei thu a sawi a ni.
Destination North East 2020 hawnna hun hi lawmthu sawiin Pu C H Kharshiing Planning Adviser, North Eastern Council in a khar a ni.
Post a Comment
He post chungchanga i ngaihdan lo sawi ve rawh: