PM-in Kosi Rail Mahasetu chu ram tana hlanin Bihar a Rail Lines thar leh Electrification Project-te chu mipui chhawr theih turin a hawng

PM chuan COVID hripui lenlaia chawllova hna an thawh reng avangin Railways a fak

Railways chu electrification lama hlawhtlinna, faina lama an hmalakna, Kisan Rel an kalpui thar leh mihring enkawl ngai lova Rel crossings an siam avangtein a fak a ni.

Agriculture Reforms Bill hmangin loneitute tih zalen an ni: PM

Posted On: 18 SEP 2020 4:11PM by PIB Delhi

Prime Minister Pu Narendra Modi chuan video conference kaltlangin Kosi Rail Mahasetu chuan ram tana hlanin Bihar a Rail Lines thar leh Electrification Project-te chu mipui chhawr theih turin a hawng.

He hunah hian thusawiin Prime Minister Pu Narendra Modi chuan Bihar-ah hian Rel hmanga inkalpawhna lamah history thar siam a ni a ti a. Cheng vaibelchhe 3000 hu project hrang hrang Kosi Mahasetu leh Kiul Lei, electrification project-te, Railways a Make in India promotion kalpuinate leh hna thar siambelh tutur project dangte vawiin hian hawn anih thusawiin heng project-te hian Bihar a Rel network lama hmasawnna a thlen dawn mai bakah West Bengal leh India hmarlama Rel hmanga inkalpawhna a tichangtlung dawn a ni a ti. 

Prime Minister chuan Bihar state mipuite chu a lawmpui thusawiin Bihar tiamin India hmarlama Rel passenger-te’n heng facility thar leh changkangte hi an chhawr dawn a ni a ti a. Bihar ram chhung bung hrang hrang a chengte chu state chhunga lui luang inkawkalh nuk awm avangin intlawhpawh thei lova an awm thusawiin inkalpawh tur chuan kawng kual leh thui tak takte an zawh a ngai thin a ni a ti a. He harsatna sukiang tur hian kum li kalta khan Patna leh Munger-ah te Mahadetu pahnih siam hnathawh tan anih thusawiin heng Rel lei pahnihte hi hman theih tura hawn an ni ta a, Bihar hmarlam leh chhimlam inkal pawh pawh a awlsam tawh dawn bakah Bihar hmarlam tan hmasawnna rahbi pawimawh tak a ni dawn a ni a ti.

Prime Minister chuan kum 85 kalta a lirnghing natak thawkin Mithila leh Kosi ram bialte chu hmundang lak atangin a tihrang thusawiin Corona hripui lenlai a heng ram bial pahnihte hi intlawhpawh thei a siam anni leh ta hi thil mak danglam tak a ni a ti a. Vawiin ni hian migrant labourer-te thawhrimna avangin  Supaul-Asanpur-Kupha Rel kawng leh Lei siamte chu ram tan hlan anih theih thusawiin he Kosi Rel kawng thar hi Kum 2003 khan Pu Atal Bihari Vajpayee Prime Minister anih lai leh Pu Nitish Kumar Railway Minister anih laiin Mithila leh Kosi ram bial mipuite harsatna sutkianna atan duan chhuah a ni a ti a. He project hi tun sorkar hun chhung hian chak taka kalpui anih thu leh technology tunlai zawk chhawr leh hmang tangkaia Supaul-Asanpur Kupaha route hi zawhfel anih thu a sawi a ni.

Prime Minister chuan Kosi Mahasetu kaltlang a Supaul-Asanpur inkar Rel service hawn hi Supaul, Araria leh Saharsa district mipuite’n an chhawr tangkai hle tur thusawiin Hmarchhak bial mipuite tan pawh Rel kawng tawi zawk a ni dawn a. Mahasetu zinkawng Km 300 ni thin chu Km 22 chauh a ni tawh dawn a, hei hian sumdawnna tihmasawnin helai ram bial tan hian hnathawh tur a siam belh dawn a ni tiin Bihar state mipuite sum leh hun tam tak a save dawn a ni a ti.

Prime Ministerchuan Kosi Mahasetu ang bawk hian Kiul lui tan tlanga Rel kawng thar hmangin electronic interlocking facility train-te chu kawng tluanin darkar khat a kilometer 125 a chakin an tlan thei dawn a. He electronic interlocking hian Howrah-Delhi inkar Rel kawngpuia Rel tlante tithawlin tul lova intihkhawtlai a tlem phah dawn bakah zin veivak a ti him bawk dawn a ni a ti.

Prime Minister chuan kum 6 kalta chhung khan New India kalphung nena inmil tur leh ‘AtmaNirbhar Bharat’ beiseina tihlawhtling turin Indian Railways hi her rem chhoh anih thusawiin tunah chuan Indian Railways hi a hma zawng aiin a fai tawh a. Indian Railways hi broad guage rail lines atanga mihring enkawl ngai lova Rel crossing-te siam anih hnuah a hma zawng aiin a him tawh a ni a ti bawk a. Indian Railways speed pawh tihchak anih thusawiin India siam Rel -Vande Bharat -te chu kan intodelhna chhihchhiahna leh hmasawnna a ni tiin kan Rel network ah hmun lum an luah chho mek zel a ni a ti.

Prime Minister chuan Railways lama hmasawnna hna kalpui chu Bihar chuan nasa taka a chhawr mek thusawiin kum rei vaklo kalta atang khan Make in India promote-na atan Madhepura-ah Electric loco factor din anih bakah Marhaura-ah Diesel loco factory din a ni a. Heng project pahnih atan hian cheng vaibelchhe 44000 dawn lai invest a ni a. Bihar State mipuite hian India rama electric locomotive chak ber - 12000 horsepower locomotive chu Bihar a siam a ni tiin chhuang takin an la sawi dawn a ni a tih bakah electric locomotive enkawlna tur Bihar-a loco shed hmasa ber pawhin hna a thawk tan tawh a ni a ti.

Prime Minister chuan tundinhmunah hian Bihar a Rel network 90% chu electrified anih tawh thusawiin kum 6 kalta chhung khan Bihar-ah hian Rel kawng kilometer 3000 chuang electrified a ni a. Kum 2014 hmalam kum 5 chhung khan Bihar-ah hian Rel kawng km 325 chauh hawn a ni a; Kum 2014 atanga kum 5 chhungin Bihar-ah hian Rel kawng thar km 700 hawn a ni thung a, a hma nena khaikhinin a let a thui siam hman a ni a. Tunah hian Rel kawng thar km 1000 dang siam mek a ni bawk a ti.

Prime Minister chuan Hajipur - Ghoswar - Vaishali rail line hawn anih hunah chuan Delhi leh Patna inkarah direct a Rel tlan a awm tawh dawn a ni tih thusawiin he service hian Vaishali tan khualzin mite a hip dawn a, hnathar tam tak siam belh a ni ang a. Dedicated freight corridors siam hna pawh chak tak a kalpui mek niin corridor atang hian km 250 chu Bihar chhung a awm a ni dawn a. He project hi zawhfel anih hunah chuan passenger phur Rel tihkhawtlai awm thin chu a tlem phah ang a, bungraw phur che vel pawh nasa takin a chak phah dawn a ni a ti.

Prime Minister chuan Corona hripui leng karah ngawrh taka hna an thawh reng avangin railways chu fakin mihrant labourer-te tana hnathawh tur siam kawngah Railways chu a thawhhlawk ber an nih thusawiin Shramik Special Trains hmanga anmahni khua a phur haw tute an ni bawk a. Corona hripui leng karah hian India rama Kisan Rel hmasa ber chu Bihar leh Maharastra inkarah tlan tir anih thu a sawi bawk a ni.

Prime Minister chuan tunhma kha chuan Bihar ah hian medical college tlemte chauh a awm thin a. Hemi avang hian Bihar mipuite chuan harsatna nasa tak an tawk thin a, Bihar thalai lehkhathiam tak takte pawh state dangah medical studies titura an kal a ngai thin a. Tunah erawh chuan Bihar ah hian medical college 15 chuang awmin chung zinga tam tak chu kum rei vaklo kalta a din an ni a. Ni rei vaklo kalta khan Darbhanga, Bihar a AIIMS din tura phalna tihchhuah a ni a, hei hian hna thar sang tam tak a siam belh dawn a ni a ti.

Agricultural Reforms Bill

Prime Minister chuan nimin kha ram tana ni chhinchhiah tlak tak anih thusawiin agricultural reforms pawm a ni a. Loneitute chu khuahkhirhna tam tak atangin Agricultural Reforms Bill hmanga tihzalen an ni a. He reforms hian an tharchhuah hralh leh tihral kawngah loneitute tan duhthlan tur tam zawk a siam sak dawn a. He reforms hian loneitute chu loneitute tharchhuah atanga sum tam tham tak lo hmu ve thin middlemen-te lak atangin a venghim dawn a ni a ti.

Agriculture Reforms Bill chungchanga thudik tawklo thendarhtuah opposition-te chu puha sawiselin Prime Minister chuan India ramah kum tam tak chhung ro lo rel tawhtute chuan hemi chungchangah hian loneitute hruaikawi an tum a ni a ti a. Tuna he reforms dodaltu opposition party-te inthlan manifesto-ah khan APMC Act-a agriculture market provision-te siam danglam hi an intiam a ni a ti a. Sorkarin MSP atanga hlawkna chu loneitute hnenah a pe dawn lo ni awm a sawi awm pawhin thubelhchian dawllo a ni tiin MSP leh sorkar procurement kaltlang a loneitute hnena fair taka a man an pek thin chu a hma ang a kalpui chhunzawm anih tur thu a sawi a. Provision tharte hman a nih chuan loneitute chuan an thlai tharte sengin ram chhung khawi hmun a market-ah pawh an duh angin an hralh thei dawn a. APMC Act in pawi a lo khawih thin dan hriatchhuah a nih hnuah Bihar Chief Minister chuan he dan hi a nuaibo a. Loneitute dinhmun chawikang tura hmalakna hrang hrangte sawi langin Pradhan Mantri Kisan Kalyan Yojana, Pradhan Mantri Krishi Sinchai Yojana, Neem coated Urea leh ram chhung hmun hrangah lian tham taka cold storage sak anih thu-te, food processing industry tana investment siam anih thu leh agricultural infrastructure fund siam anih thute a sawi a ni.

Prime Minister chuan loneitute lakluh tipung tura hmalakna kalpui chhunzawm reng anih thusawin rampum huapin hri laka ranvulte venghim turin campaign neih mek a ni a ti a. Ramchhung a loneitute hnenah thuchah sawiin a diklo zawng a kaihhruai tumtute laka fimkhur tura chahin loneitute thlavang hauh anga inchhalin heng mite hian loneitute chu hrenbehna hnuaia awm turin an duh a. Loneitute tharchhuah ruk sak tumtute leh sum siamna atana lo hman tumtu middlemen-te an thlawp a ni tiin tuna kan hmalakna hi kan ramin a mamawh leh kan hun tawngin a rah chhuah a ni a ti.

***