Fitness influencer hriathlawh takte chuan naktuk a Fitness lam tuipuitute nena Prime Minister Fit India Dialogue neih turah an pholan tur tlangpui an tilang a ni.
23 SEP 2020: Prime Minister Pu Narendra Modi chuan online in fitness influencer hriat hlawh tak takte chu September ni 24 chhun dar 12 a neih tur Fit India Dialogue ah inkawmna a neihpui dawn a. He hunah hian Union Minister for Youth Affairs and Sports Pu Kiren Rijiju pawh he hunah hian a tel dawn a ni.
Influencer-te hian fitness leh hriselna chungchang a an ngaihdante an sawi dawn a. Chung zingah chuan India cricket team skipper Virat Kohli, Fitness icon leh Ironman Triathalon lawmman dawngtu Milind Soman, Paralympiab gold medalist leh Devendra Jhajharia, nutrition expert Rujuta Diwekar, diet a tualchhung eisiam leh thar chhuahte ei uar tura nasa taka sawi thin, fitness nei tura tihdan awlsam zui duhtu leh diet leh nutrition kaihhnawih best-selling book engemawzat lo ziak tawhtu te, Afshan Ashuq, Jammu & Kashmir hmeichhe footballer, hmeichhiate football training pe thin te, Swami Shibvadhyanam Saraswati, IIT leh MIT chhuak, Bihar School of Yoga aiawh tuturte leh Bharatiya Shikshan Mandal's Mukul Kanitkar, National Resurgence atana a research tih avanga hriat hlawh leh educationist ni ta te chu he hun a tel tur zingah hian an tel a ni.
Virat Kohli hi India rama youth icon lian ber pakhat zinga ngaih a ni a, he hun hman tur hi a phur tawh zia Twitter kaltlanga sawiin, "Prime Minister Zahawmtak Fit India Dialogue a ka tel ve thei tur hi ropui ka ti a, fitness leh a kaihhnawih thildang ka sawite in lo thlir ve ngei dawn a nia" a ti a ni.
Milind Soman, fitness influencer zinga hriathlawh berte zinga pakhat leh Ironman competition lawmman pakhatna dawngtu chuan a fitness mantra chu he fit India Dialogue kaltlang a India ram pumpui hnena puanzar a chak tawh thusawiin mawlmang leh awlsam taka thil kalpui duhtu ka ni a, chuvang chuan kan Prime Minister hmaah hian awlsam taka eng kum tan pawh hriselna leh fitness neih theih dang kawng ka sawi dawn a ni tiin India ram 'Ironman' hlim thei tak chuan a sawi a ni.
He Fit India Dialogue online a neih turah hian participant-te hian fitness an neih dan chanchin an sawi bakah zawm tur tha tak takte an sawi dawn a. He dialogue ah hian kan ramin hun a hman mek nena inmil tak nutrition, wellness leh fitness kaihhnawih hrang hrangah te thu benglut tak tak an sawi dawn a ni.
Mitin tan fitness tih thupui hmangin fitness lama phurna min pe thintu Paralympian Devendra Jhajharia pawhin hun pawimawh tak a hmang dawn a. He huna a tel ve tur chungchang hi sawiin Jhajharia chuan, "Paralympic Committee of India aiawhin he Fit India Dialogue PM Zahawmtak Narendra Modiji hova neih turah hian ka tel ve dawn a ni" a ti.
Fit India Movement hi PM Zahawmtakin a duanchhuah a ni a, August ni 29, 2019 khan PM hian a hawng a; he hmalakna hnuaiah hian event hrang hrangah India mi vaibelchhe 3.5 an tel tawh a. August ni 15, 2019 a hawn Fit India Freedom Run ah khan vaibelchhe 2 chuang an tel a, hemi a telte hian digital footprint vaibelchhe 30 an siam bawk a ni.
Fit India Dialogue hian Fit India Movement chawinung zel turin khua leh tuite hnen atanga hriselna leh fitness lama ngaihtuahna tharte lakkhawm a tum a ni.
Fit India Dialogue a tel tur hian a duh apiang tan NIC link https://pmevents.ncog.gov.in atangin a in register theih a. He hun hi DD News leh DD India ah te live a pekchhuah a ni dawn a, Disney Hotstar tiamin online platform-ah te pawh tihchhuah a ni ang.
*****
Post a Comment
He post chungchanga i ngaihdan lo sawi ve rawh: