Sept 05, 2020: NIA (National Investigating Agency) te chuan India ram tual chhung thiamna hmanga Aircraft carriers sak mek thiamna thu ruk "ram venhimna atan thu ruk pawimawh bik," nikum lama mi tu tih hriat loh ten a vawn țhatna computer leh thil pawimawh dang te nena khuangcher bo hmak chu a rutu mi pahnih nen an man.
National Investigation Agency( NIA) te hian mi pahnih Bihar leh Rajasthan mi te hi heng thil pawimawh ruk chhuahnaah hian an man a ni. An thil ruk chhuah hi a nep lo hle a, electronic hardware pawimawh lutuk, tuna Cochin Shipyard Ltd ten nikum June - September tual chhung mithiamte duan chhuah Aircraft carriers sakna an ruahman dah khawmna computer leh hemiin a ken tel thiamna leh ruahmanna hrang hrang an fun khawmna (computer hardware) te an ruk chhuah hi a ni.
He thil pawimawh bo chhuizui hna hi NIA hian Kerala Police kut ațangin nikum October thla khan an la chhawng a. Thil ruk bo zingah hian electronic items, - processors, RAMs leh solid state drives leh data "ram venhimna thu ruk pawimawh bik," te a ni.
NIA thu chhuahin a sawi danin heng thil lo ru chhuaktu an man te hi Sumit Kumar Singh kum 23, leh Daya Ram kum 22 a upa te an ni a. Tunkar Nilaini khan state tam takah thla 9 chhung zet ngawrh taka an chhui hnuin heng thil rutute hi man an ni.
"Singh, hi Bihar state Munger District ah man a ni a, Daya Ram thung hi chu Rajasthan state a Hanumangarh district ah man a ni. Uluk taka hemi chungchang thu zawh fiah an nih hnuah an tih ngei anih thu an inpuang tawh a ni. An thil ruk zinga țhenkhat hi hmuh chhuah tawh a ni," tih NIA chuan an sawi a, thil ruk chhuahna atan an hmanraw țhenkhat pawh Bihar, Rajasthan leh Gujarat a hmun hrang hrang an dapnaah hian an man chhuak bawk.
"Electronic thil pawimawh te chu: micro-processors - 5, 10 RAMs, solid state drives 5 bakah multi-functional consoles on the ship," a nih thu NIA thu chhuah chuan a tar lang.
Thil an chhuina ațanga an hmuh chhuah chu heng thil pawimawh ru chhuaktu Singh leh Daya Ram te hi ram pawn lamah a nghet loin aircraft carrier siaknaah hian rawng hnawihtu atan an lo thawk tawh a, chu tah pawh chuan thil pawimawh engemaw lo ru chhuak tawhin man to taka hralhna zawngin nikum September thla ațang khan an chenna khua pawh an chhuahsan tawh tih Kerala Police ten an thil chhui țanna lamah hriain thu buai pawh an ziak lut tawh a ni.
NIA te hian a bul ațangin nikum September 26 khan thu buai an ziak lut țha lehin, a chhui hna chu Kerala Police kut ațangin October 16 khan an la fel ta a ni.
NIA te hnu chhui hi a hautak hle nghal a, hetih laia lawng saknaa an mi chhawr mi 5,000 chuang zet te kut zung thla leh kut phah thla endik ațangin bul an țan a. He thil khuangcher bo ngawt mai chhui chhuahna atan thil țangkai leh hmu chhuak tura țanpui thei hnenah Rs nuai 5 pek an tiam a, a tawpah zawng misual van neihnain a daih seng ta bik lo a, an rek chhuak ta nge nge a ni.
Heti taka thil pawimawh mi thiam pawh ni lo, misual tangrang mai mai ruk chhuah theih tura him loa "ram venhimna atan thil pawimawh bik" an lo vawng hi he aircraft carrier saknaa mawhphurtute tan hian thiam thu sawi tur reng an nei lo ang.
Source :
NDTV
September 05, 2020
@ 1:19 PM IST
===05==09==20==
Huna Kawlvawm
Post a Comment
He post chungchanga i ngaihdan lo sawi ve rawh: