Mizo kutchhuak PPE set kim Chief Minister hnenah hlan

Aizawl | September 9, 2020: Vawiin khan Chief Minister Pu Zoramthanga hnenah tualchhung puantahtu ten an siamchhuah PPE kit 25 chu a pisaah ZOHANDCO leh UNDP hotuten an hlan. Heng PPE te hi ZOHANDCO, UNDP leh EXIM Bank of India tangkawpin training an buatsaih atanga siamchhuah niin, COVID-19 frontliner te hman atan a him tawk tih finfiah tawh a ni.

EXIM Bank of India leh UNDP tangkawpin "Capacity Building of the MSMEs in North East India for Export Competition tih hmalakna hnuaiah UNDP chuan ZOHANDCO chu handloom weaver, puantah te thiamna belhchhah tura thawhpuiah thlangin, ZOHANDCO hian weaver 20 an thlangchhuak a. He hmalakna hi hrileng avanga eizawnna lama harsatna tawk puantah te tan sum dehchhuahna tur kawng zawn hmuh sakna a ni. July ni 7 atanga ni 31 thleng khan batch ngaah then in PPE kit thui dan training pek an ni a. Training zawh hnu hian ZOHANDCO chuan trainees te hi ruai in PPE Kit siam an chhunzawm dawn a ni.

PPE kit siamchhuah te hi Committee on Promotion of Locally Manufactured Personal Protective Gears hnuaia Technical Committee in Quality Control in endik in, COVID-19 frontliner te tan a him tawk tih an pawm sak a ni.

Training naa PPE Kit siamchhuah te chu hengte hi a ni:

1) Mask: 6 layers

2) Face Shield: Non-woven 60 GSM, transparent plastic sheet, sponge

3) Coverall Jumpsuit: 3 layers, seam seal

4) Shoe Cover: Bio-fabric

5) Waste bag: PPE hman hnu paihna tur

6) Sterilization: UVc Treated sterilization

7) Finishing Touch: Disinfectant packaging

Chief Minister hnenah hian ZOHANDCO Chairman Pu C. Lalrammawia, Commerce and Industries Director leh ZOHANDCO MD ni bawk Pu J. Hmingthanmawia, Pi Betsie K.Vanlalpeki, MSME-Specialist, UNDP Mizoram leh ZOHANDCO thawktu dang ten PPE kit hi an hlan a ni.