Lirthei zawh ngam lova chhia Chikhurlui Lei PZP in chhia enfiah; Siamthat thuai a nih theih nan CM ngen

Aizawl | September 26, 2020: Pang Zirlai Pawl (PZP) general headquarters hruaitute chuan nimin Furpui tuilianin a tihchhiat Chikhurlui Lei a hmunah kalin an enfiah. Lei hi Lirthei tana zawh ngam lo in furpui tuilianin a hnawl chhia a ni.

 

PZP chuan, Mizoram Sawrkar chak tak hmalakna zarah Saibawh - Vathuampui kawngpui (Paneled Concrete Pavement) pawimawh tak hi siam mek a ni a. He kawng hi Vathuampui leh a chhehvel khua te tan mamawh chakkhai lakluhna kawng pawimawh tak a ni bawk.' an ti a.

Chutih laiin, Chikhurlui khua atanga kilometer khat vel leka hlaa awm Chikhurlui Lui  Lei erawh chu Lirthei tana zawh ngam loh khawpin furpui tuilian in a  hnawl chhe vek a ni.

 

Tun hnaiah he Leilawn hi Repair a nih loh avangin a chhe nasa hle a, kuminfurpui tuilianin Lirthei eng chi mah zawh ngam lo in a ti chhe ta a ni. Hei hian mipuite tan harsatna nasa tak thlenin, mamawh chakkhai lam turin ritphur chunga kea kal a ngai thin a ni. He kawng hi Vathuampui Area tana kawngpui pawimawh tak anih avang leh Vathuampui hmunah Supply Godown(Kudam) a awm bawk avangin mamawh chakkhai lakluhna ber a ni bawk. 

Vathuampui Area mipuite harsatna hriatsak a, mipuiten tun aia harsatna nasa zawk an tawh loh nan arang lama siam that thuai a nih theih nana hma laksak turin Pang Zirlai Pawl chuan thuneitute an ngen a ni.

 

Pang Zirlai Pawl, General Headquarters chuan niminah vek khan Chikhurlui Lui Lei hi siamthat thuai a nih theih nan Chief Minister leh Public Works Department changtu Zoramthanga leh PWD Lawngtlai Division Executive Engineer hnenah ngenna an siam a ni.

Post a Comment

0 Comments