INDIAN AMERICAN TEN DONALD TRUMP LAM AN ȚANNA CHHAN TE: Survey

"Rinhlelh rual lohin Trump hi India tan a țha zawk ang.."

Sept 24, 2020: US President inthlan a hnai tial tial a, India mi US a awm nghet --Indian American te vote inchuhna boruak pawh a na sawt hle a, a bik takin state țhenkhat inepna nasat zualnaah chu chu a nasa leh zual a, Indian American ho te hian Democrats vote burh țhin an ni a, tun țum zet chu a zei a dang dawnin a lang ta  tlat mai . Tun tumah hian Indian American hlawm lian takin President Donald Trump  lam an țan chhan hrang  12 lai zingah  Prime Minister Narendra Modi an ințhian țhatna chu a pawimawh zinga mi a nih thu internal research survey in a hmuh dan anih thu PTI chuan a tar lang.

Trump hian Indian American te chu tham lo taka en loin zahna a lantir țhin a, India ram leh PM Modi ngei pawh tlukpui leh ang khat rengin a en a, chu chu India ho zingah duhtu an tam phah a ni, tih  survey chuan a tar lang. Hei hian ni 40 kal ta chhunga campaign beihpui, India mi te zinga an thlaknaah pawh boruak a vawrh kang hle a ni.

He  survey hi Al Mason, co-chair of the Trump Victory Indian American Finance Committee, leh  a team te buatsaih a ni. Trump-a Sorkar hnuaiah hian  tun hma lama Vice President lo ni tawh chu President candidate rawn ni ta a, hei hi kha tih hun lai ang lo takin President Trump chu India ram tualchhung rorelnaah a  inrawlh lo a, a bikin Kashmir chungchang  thu ah te a ni a, chu a hnehin  President hian India ram chu khawvelah an zahawmna kawng tam takin a chawi sang zawk a ni . "Hei hi Trump-Modi ințhian țhatna leh thawh dunna that vang a ni," tih  survey chuan a tar lang.

 Indian American te hian  Trump--Modi te kum 4 dang  thawh dunna hian Khawvel puma China invilik leh pawngpawrh lutuk tur hi dip hneh thei ber turah an ngai a ni.

A chhan dang leh chu President Donald Trump-an  China a duh loh leh  ngaih theih lohna hi a ni.

COVID-19 hri darh hma khan America sum leh pai dinhmun a san ber lai hruai thleng theitu a ni a, hri pui a hma chhawn dan pawh a puitlingin țha an ti a, hemi vang hian Indian American te chuan Trump-a lam an hawi ta a ni, tih survey chuan a sawi. "Trump-a  hian India ram chu Khawvelah dinhmun sang takah a dintir a, Prime Minister Narendra Modi-an US laka tun hma lama India policy fing taka a thlak vang pawh a ni. Tunah chuan India-US inlaichinna chu lungpui ang maia nghet a ni  Trump leh Modi ințhian țhatna chuan ram pahnih  India leh US chu a hnuk hnai zual hle a ni ," survey chuan a tar lang . "President Trump a chhung te pawhin he rilru hi an pu a ni ".

"Indian American tuna  US khawsa mek te hian India ram ah chhung khat leh thenrual țha tam tak an nei a. Heng mite hian duh chu  India ram zah taka en leh China laka ven leh humhim tlat a ni, hei hi tuna Trump kalpui leh na taka India thlavang hauh mek  a ni. India ram lama an chhung te chuan Trump-a awm loh chuan, China hian India ram hi a rawn run nghal ngei ang," tih an rin thu an sawi a, chu chu Indian American zinga an campaign au hla pawimawh tak a ni.

 Indian American vote nei  tam zualna state te chu heng hi an ni :

Florida               -  190,000

Michigan           -  120,000  Pennsylvania     - 170,000

Georgia               - 150,000

 North Carolina -  110,000  Virginia               -  165,000

Texas                  -  470,000

Mason leh a thawhpuite  survey hian an hmuh chhuah chu, Indian American ho hian hlawm deuh hlukin Democratic Party an vote țhin chu 50% talin Trump an vote ngei dawn tih an sawi a, hetianga vote hlawm lian takin a belhchhah hi chuan inbeih nasatna state ah chuan awmzia a nei ngei dawn a, chu chu Trump-a thlan nawnna atan thil pawimawh leh țanpuitu lawmawm tak a ni ang.

"Kum 2021 ah hian Trump-Modi kaihhruaina hnuaiah thil ropui tak US-India inkarah a thlen ngei ka beisei tlat a ni" Dr Anand Tamhankar, physician, New Jersey chuan a ti.

Democrats Biden - Harris țang dun hian an campaign pamphlet pakhatah India tualchhung chungchang, Kashmir, CAA Indian American Hindu ho thin khei zawng tak thil an sawi lang a. Tun thla bul lam pawh khan Harris hian Jammu & Kashmir a India Sorkar thil tih dan chu "mihring dikna leh chanvo bawh chhiartna" tiin a sawi a. He mi avang chauh pawh hian tum danga Democrats lam 80% aia tam Indian American vote an hmuh țhin ang kha chu beisei chi a ni tawh lo ang.

INDIA TAN TUNGE ȚHA ZAWK ANG

Pakistan ram Chanchinbu "The Dawn" a article ziakah chuan 'Biden hi US Senate member atan thlan tlin anih hmasak ber 1974 ațanga hre tawh ka ni a, a hnuah pawh kan indawr fo țhin a. India ram leh India mi te duhsaka ngaisangtu tak a ni. President atan hian thlan tlin pawh lo ni ta se, US foreign policy hi thlak thleng nasa tak a awm chuang lo ang. Rinhlelh rual lohin Donald Trump hi India tan chuan a țha zawk a, Biden pawh hi a țha tho ang' tiin.

Source :

The Economic Times

September 24, 2020

@ 8:55 AM IST

Times of India

September 22, 2020

@ 9:25 IST

===24==09==20==

Huna Kawlvawm