INDIA IN CHINESE MOBILE APPS 118 KHAPNA THUPEK A CHHUAH

Sept 02, 2020: Vawiin Nilaini khan Ministry of Information and Technology, Government of India chuan China nena inkungkaihna nei Mobile Applications 118 khapna thu pek a chhuah. Heng zingah hian PUBG pawh a tel a ni.

PUBG apps hi South Korea ram siam a ni a, mahse Chinese Investment Company lian Tencent hi a sum hlawkna lian teltu leh neitu zinga mi a ni.



PUBG hi India ramah mi nuai 1,750 ten an mobile phone-ah an hlang lut (download) ni a hriat a ni. PUBG hian khawvel pumah thla tin $ 3 millions an hlawh chhuak țhin a ni.

"India ram himna, inpumkhatna atan thil pawi thei leh ti țhuanawp thei thil" anih avangin kumin June thla khan Chinese apps 59 khap a ni. Hemi hnu lawk hian heng apps khap tak te hi hming dang hmangin an rawn inlar nawn leh a, chung apps khap tak te ang deuh chiah (clone/ duplicate) 47 apps te chu July thla khan khap leh a ni.

CHINESE LAW
China ram dan ang chuan Chinese Company ten anmahni dawrtu (customer) te nihna kim chang chu Chinese Intelligence Agency ah an theh lut tur a ni. Heng Company te inzarpharhna leh an awmna ram chu eng ram pawh ni se.

DAR 5: 29 PM :
*Government of India blocks 118 mobile apps which are prejudicial to sovereignty and integrity of India, defence of India, sovereignty of the state and public order*. Government of India

DAR 6:10 PM :
IT Ministry chuan kawng hrang hrang ațangin rawtna leh  sawiselna-- Mobile phone leh IOS apps hman theih ațangin thil pawimawh ruk chhuah leh hlan chhawn theihna a nih thu a dawng. Govt

DAR 7:45 PM :
"India leh China inkar ram ri buai hi tharum hmang loa sawi fel theih ngei anih kan beisei". Mike Pompeo, US Secretary of state.

DAR 8:33 PM :
"India hian ram ria sipai a dah te hi khauh taka thunun turin kan duh. Dan kalha LAC rawn kãn țhin zawng zawngte hi rang takin a la chhuak nghal tur a ni, thinrimna chawk tho thei thil tih te ti tawp rawh u".-- Chinese Foreign Ministry spokesperson.

DAR 9:54 PM :
"India ram hi mobile apps hrang hrang phone-a hlang lut ( download) tam berna ram a ni. Sorkarin mobile apps ah 'Made in India' a chawisang dawn, vawiina mobile apps 118 kan khap hi, a chhan chu - i himna a ti derthawng thei, enthlatu che hmanrua a ni". Ravi Shankar Prasad Union Minister, Law and Justice chuan US-India Strategic Partnership Forum ten lang biakna (video conference) hmanga an neihnaa thu a sawiah a sawi tel.

Enclose: List of banned Chinese mobile apps. 

Source :
Times of India 
September 02, 2020 
@ 21:54 IST

===02==09==20==
Huna Kawlvawm

Post a Comment

He post chungchanga i ngaihdan lo sawi ve rawh:

Previous Post Next Post