COVID 19: Positive 26 hmuhchhuah belh; Hri vei leh dam tawh tamna ber Azawl district!

Aizawl | September 25, 2020: Nimin khan Mizoram-ah COVID19 positive thar 26 hmuhchhuah belh a ni a, nimin vek khan enkawl dam tawh mi 10 enkawlna atangin chhuahtir an ni.


Nimina hri vei hmuhchhuah thar 26 -te hi ZMC RT-PCR atangin 23, TrueNAT khawl hmangin pahnih leh Rapid Antigen Test atanga hmuhchhuah pakhat te an ni.

ZMC RT-PCR positive hmuhchhuah zinga Positive Contact atanga kaite hi Tuithiang mi Mipa kum 19 a upa, Chanmari mi mipa pathum & hmeichhia pakhat kum 18 atanga kum 47 inkar, Chaltlang mi Mipa kum 50, Chawnpui mi hmeichhia kum 46 te an ni a, mahni ina inkhunghrang vek niin, Symptoms nei lo vek an ni.
Heng bakah hian Quarantine Facility (Hotel/Institutional) a awm positive hi mi 16, mipa 15 & hmeichhia pakhat an awm a, kum 13-59 inkar an ni a, State pawn atanga rawn lut vek niin an zingah hian Zokhawsanga awm mek Assam Rifles 5 an tel a. Symptoms nei an awm lo.
TrueNAT positive hi Kolasib District mi Mipa pakhat kum 23 a upa Assam atanga lo haw, QF a awm, symptoms nei lo a ni. Mamit District Mipa pakhat kum 20, Assam atanga lo haw, P&E dept a thawk, QF a awm mek, symptoms nei lo.

RAgT positive hi Aizawl district mi Mipa pakhat kum 62 a upa Pawan Hans helicopter pilot, West Bengal atanga lo kal, symptom nei lo a ni a. Lengpui Airport a lo hmuhchhuah a ni.

Nimin khan sample 2143 test niin, ZMC-a sample 1306 test niin Aizawl district vek an ni a. TrueNAT sample test zat hi 145 niin, 
Hnahthial - 34, Kolasib - 27, Mamit - 26, Serchhip - 24, Lawngtlai - 15, Lunglei - 11, Saitual - 7 leh Champhai - 1 te an ni.

RAgT -ah test zat hi 692 niin, Kolasib - 645, Mamit - 21, Aizawl - 20, Serchhip - 4, Lunglei leh Champhai pakhat ve ve an ni.

Tunah hian hri vei hi mi 681 awmin, enkawl dam tawh 1105 an awm a, an vaiin, hrivei hmuhchhuah tawh zawng zawng hi 1786 an ni. Heng zinga mi 1456 hi Mipa niin, 330 hi hmeichhia an ni.

Hri vei hi Aizawl district-ah tam berin mi 553 an awm a, Lunglei-in dawtin mi 64 an awm a, Serchhip-ah mi 20 an awm a, kolasib in dawt lehin 14 an awm a, Lawngtlai-ah mi 10 an awm a, Saitual-ah mi pasarih an awm a, mamit-ah pasarih awmin, Siaha-ah pakhat awmin, Hnahthial-ah pathum, Champhai  leh Khawzawl-ah mi pakhat ve ve an awm bawk  ani.

Hri vei dam tawh tamna ber chu Aizawl niin mi 653 an awm a, a tlemna ber chu Hnahthial niin pahnih an awm a ni.


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)





Post a Comment

0 Comments