COVID 19: Ni khata Positive hmuhchhuah tam ber tawngin 69 hmuhchhuah belh; Hri vei mek 447 ah kai chho

kaina emaw an travel history emaw hriat rih lo awm.

Aizawl | September 9, 2020: Nimin khan  COVID19 positive thar mi 69 hmuhchhuah a ni a, hri vei mek 447 ah an kai chho.
Nimin-a hri vei hmuhchhuah hi Mizoramah nikhata COVID19 positive hmuhchhuah tam ber a ni.


Nimina hri vei hmuhchhuahte hi Zoram Medical College (ZMC) laboratory-a RT-PCR khawl hmanga hmuhchhuah vek an ni a, Rapid Antigen Test positive leh Lunglei TrueNAT positive atangin hmuhchhuah a awm lo a ni.

Positive hmuhchhuah thar-te hi Aizawl dist vek niin, mipa 62 leh hmeichhia pasarih an ni a,;puitling kum 20 atanga kum 58 inkar leh naupang kum khat, kum nga lhe kum kua te an ni a. An taksaa lang chhuak lo vek an ni.

Positive Contact atanga kai hi Venghnuai-ah mi paruk, Tuikhuahtlang-ah mi panga, Bungkawn Vengthar-ah mi pakhat leh Venghlui ah mi pakhat an awm niin sawrkar thuchhuah chuan  a tarlang.

Hri vei hmuhchhuah tharte hi Indian Army, Thuampui Helipad-a quarantine mek paruk, BSF, RAY, Falkland-a quarantine mek mi 48 leh Falkawnah Construction worker 2 an positive. Quarantine lai niin state pawn mi ve ve an ni. 
Tun dinhmunah an kaina tur awm ang emaw an travel history emaw hriat a la ni rih lo niin sawrkar chuan a tarlang.

💠Sample test dan:
🔹ZMC:
Aizawl -290
Serchhip-9

🔹 RAgT:
Aizawl - 163
Champhai - 5
Mamit - 8
(Kolasib district-a sample test zat report dawn a nilo)

🔹Lunglei TrueNAT: 14

Post a Comment

0 Comments