COVID 19: Hri vei 31 hmuhchhuah belh; Dam tawh 22 chhuak

Aizawl | September 6, 2020: Nimin khan Mizoram-ah COVID19 positive thar mi 31 hmuhchhuah belh a ni a, hri vei mek hi tukin thleng khan mi 380 niin, nimin vek khan hri vei enkawl dam mi 22 in enkawlna min an chhuahsan thung.

Heti hia hri vei mek hi mi 380 an ni a, enkawl dam tawh 713 niin, an vaiin mi 1093 an tling tawh a ni.

Nimina positive hmuhchhuah te hi ZMC lab atangin RT-PCR khawl hmangin mi 26 hmuh an ni a,  Rapid Antigen Test hmangin positive panga hmuh a n ni bawk. Hetihlai hian Lunglei TrueNAT -ah erawh positive an hmu lo.



Positive hmuhchhuah te hi symptom neilo vek an ni.

RT-PCR positive:
Aizawl dist: Positive 25 zinga 19 hi state pawn atanga kir, quarantine lai, naupang kum 6, puitling kum 27-70, mipa vek an ni. An zinga 15 hi Thingsulthliah pioneer camp a awm an ni.
Medical staff 3; kum 26-51; M-1, F-2; positive contact
Thingsulthliah ah construction worker mipa 2, kum 46 mi ve ve, an kaina hriatloh
Chanmari 'W' ah mipa kum 24, LLTF member, a kaina hriat theih a la ni rihlo
Lawngtlai dist: Mipa kum 25, state pawn atanga lo haw, QF a awm lai

RAT positive:
➡️Kolasib dist: Mipa 5 (kum 22 - 38), truck driver/ handyman, Vairengte checkgate a test an ni.

Nimin khan ZMC -ah sample 218 (Aizawl -210, Champhai - 1, Lawngtlai -7) test niin, Lunglei TrueNAT ah 25 test a  ni bawk a, Aizawl, Kolasib leh Mamit-ah RAT test neih a ni bawk.

Post a Comment

He post chungchanga i ngaihdan lo sawi ve rawh:

Previous Post Next Post