Aizawl | September 30, 2020: Mizorama Online Chess tourney awm tawh zinga lian ber Upa K Sangzawna Memorial Online Trophy 2020 chu thawhṭanni khan Mizo Online Chess Organising Committee (MOCOC) kaihhruaina hnuaiah tluang taka khelh zawh a ni.
Inkhel a hmuhnawmin game a ṭang angreng viau a, top table phei chu a boruak a sang at at hle.
Swiss tournament a nih angin a Round 8 khelh a ni a. H Rampanmawia Venghlui, Aizawl chuan a opponnent te hneh fai vekin Champion trophy a chawi.
He inelna ah hian Mizoram hmun hrang hrang aṭangin players 102 lai an tel thei a ni.
He tournamentah hian H Rampanmawia chu pakhatna niin, Pahnihna Jeffrey Vanrammawia a nia, pathumna chu Lalnunsanga a ni.
Pakhatna hian cheng 2500 dawngin, Pahnihna in cheng 1500 leh pathumnain cheng 1000 an dawng a, heng bakah hian Trophy, Lehkhabu leh Certificate an dawng vek bawk a ni.
Anni bakah hian palina aṭanga 10 dinhmun hauhtu te hi pawisa fai, lehkhabu leh Certificate pek ṭheuh an ni bawk.
He inelna buatsaih a nih theihna atana mi inpe Vanlalhuma IFS, Lalzarzova Khiangte & Family leh Mission Veng Chess Club te chungah MOCOC chuan lawmthu a sawi a ni.
- H Zate
Founder/Editor
Explore Mizoram
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Twitter: https://twitter.com/exploremizoram
Instagram: https://www.instagram.com/explore.mizoram
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: