CACHAR DRIVER TEN MIZO 12 KUTTHLAK A, TANKER 7 AN TICHHIA HI AVA THINRIM THLAK VE

1. Mizoram chhunga an Driver puite enkawl dana lungawilo Cachar lam Truck Drivers Assn ten Mizoram kawngpui (Lifeline of Mizoram) an dan piah lama Mizo Oil Tanker Driver mi 12 ngawt kut an thlak hi a thinrim thlak takzet mai. Cachar Drivers Assn te hi Sawrkar laka an lungawilo anih chuan, Sawrkar nen indawr mai se, an thil phut leh beisei hi sawrkar tan thiltih harsa anih a rinawm vak loh bawk. Tin, Cachar lam Drivers ho lungawilohna hi Vai kawhmawhbawl thiam ho thiltih leh leiko taka zualko vang   ni zawka sawina te pawh a awm bawk nghe nghe.

Cachar Driver ho hian, Mizoram chhunga enkawl an nih dana an lungawilo a nih chuan, anmahni bik hian nawrh leh a huhova Mizoram kal duhloh etc   zawng pawhin effective takin an lantir thei tho tih a lang reng, heti chunga Mizote tibuai zawnga National Highway an dang chat a, Essential goods phur an dang leh, Driver te kut an thlak hial hi chu hnam anga thinrimna tham  a ni.

He thil thleng chungchanga Zoram Drivers Union (ZDU) Gen Hqrs hmalakna a fakawm in a thlamuanthlak hle, Tunhma lama ZDU te inpekna leh ram leh hnam an hmangaih thin zia kan lo hriat tawh thin ang zia kha hmuh theih in an la vawngnung reng tih a hriat theih.

Cachar Driver Assn lamin Mizo Driver kut an thlak te inenkawlna senso leh Tanker chhia te siam that na tur Silchar Drivers Assn te tumtir an tum hi lungchhiat thlak khawpa lawmawm a ni. ZDU ten Assam lama an pawl pui Cachar Drivers te laka dawl zawr mai an tumloh zia rang taka an lantir ngam hian, Mizo mipuite thui tak min thlamuan nghal tih loh rual a nilo. An fakawm takzet mai

Hetih rual hian, Cachar Drivers te lungawiloh thu hre reng chunga Chinfel tumlo, sawrkar kan nei hi a pawi a. Covid hrileng kara harsatna dang awm thei laka inven dan thiamlo sawrkar hi tlem chuan dem ve hlak chu a phu tho awm e, Assam lam hian police escort hnuai ah Mizoram motor te an rawn kaltir thei hi lawmawm bawk mahse, muanawm taka NH 54 hi thunun thuai ngaiin a lang. He thil hi sawrkar hian a tihfel thuai a ngai, ramri chinfel dan thuruk an hriat ang khan, he thil chinfel dan tur hi hre tel tak ang maw.!! Nge, Assam BJP sawrkar be tur hian, Mizoram state  BJP lam rawih an ngai zawk dawn le???

- Vanlalhuma kawlni