Bawngkawn vengchhung 'Containment Area'-ah puang

Aizawl | September 22, 2020: Tunhnaiah Bawngkawn Local Council huam chhungah COVID-19 mipui zinga a darh vangin Bawngkawn vengchhung chu Aizawl bawrhsapin tlawhpawh palh lohna hmunah vawiin khan a puang.

Aizawl DC leh Chairman, District Task Force on COVID-19, Aizawl District chuan Regulation 11 (1) (b) of ‘The Mizoram Epidemic Diseases (COVID-19) Regulations, 2020’ behchhanin Bawngkawn Local Council Area hi ‘Containment Area’ ah puan a ni tih mipuite a hriattir a ni.  

Containment Area chhungah hian Deputy Commissioner, Aizawl District in phalna a pek te leh Medical leh Security Duty te tihloh chu tumah an lut in an chhuak tur a ni lo. Veng leh veng inkalpawhna kawng (main road) erawh tlan tlang phal a ni ang.

Containment Management & Active Surveillance Team ten a tul angin surveillance te neiin hma an lak chhunzawm ang. He thupek hi thu leh awm hma chuan hman tur a ni ang.

Post a Comment

He post chungchanga i ngaihdan lo sawi ve rawh:

Previous Post Next Post