Aizawl khawpui inkharkhip phelh; Inkaihhruaina zawm chhunzawm dawn

Aizawl | September 21, 2020: Covid-19 hri kai an pun hluai avanga September ni 10 zanlai atanga Aizawl khawpui inkharkhip chu nizan zanlai atang khan phelh a ni.

Inkharkhip hlih a nih tak avangin August ni 31 a September thla chhung atana inthlahdul a inkaihhruaina siam kha hman leh tur a ni.

Hetah hian tlem tihdanglam a awm a. Mizoram luhchhuahna inter-state border hawn mek, Bairabi, Vairengte leh Kanhmun kaltlang kawngpuite chu bungraw phur leh mihring phur lirthei tan hawn chhunzawm a ni ang. 

Lengpui thlawhna tumhmun chu hawn chhunzawm a ni ang a. Commercial passenger flight-te tan erawh chuan Civil Aviation Wing-in airlines-te nena inrawn chungin leh thlawhna a zin tam dan a zirin thlawhna tum hun a ruahman thin ang.

- AIR Aizawl

Post a Comment

0 Comments