Aizawl | September 18, 2020: Covid-19 natna chungchanga ZMC-a enkawl Dr BD Chakma, MLA chuan a awmna a sawisel a, a dil angin ZMC atang hian Covid Care Centre-ah a insawn. A awmna a sawiselna hi doctor-te chuan a dik lo an ti.
Dr BD Chakma hian health minister leh Medical Operational Team on Covid-19 leader hnenah a awmna hi a sawisel a, ziaka a thlen danin, Covid-19 lanchhuahna natna nei nen an dah dun a, hmeichhia nen an dah dun bawk chu a sawisel a ni.
Nilaini khan a awmna ward-ah hian hmeichhe pakhat dahluh a ni a, Dr BD Chakma chuan an dahluh hmeichhia hi ‘symptom’ nei nasa a ti. Amah BD Chakma hi symptom nei lo a ni.
“Symptom ka nei miah lo a, ani chu symptom nei nasa a ni a. Symptom nei nen min awmtir kha a dik lo a. Hmeichhia leh mipa kan awm dun kha ka duh lo a, ka zak em em a,” tiin BD Chakma chuan The Aizawl post a hrilh.
Chutih laiin ZMC doctor-te chuan BD Chakma awmnaa dahluh thar hi symptom nei lo an ti thung a, zunthlum chu a nei an ti.
“Symptom a nei lo a, kha room kha symptom neite awmna tur a ni lo hrim hrim a. ZMC-ah hian symptom nei leh nei lo awmna tur a hrangin a awm a, symptom nei ni se hmun dangah kan dah ang,” tiin doctor pakhat, a hming tarlan rem lo chuan The Aizawl Post a hrilh. Doctor dang pakhat pawhin, “Symptom nei lo a nih vangin symptom nei lote awmnaah kan dah a. Amaherawhchu, symptom kan tih hi a inang lo te pawh a ni thei a, AC room te a ni a, a lo khuh te pawh a ni thei a, chu chu symptom-ah a lo ngai te pawh a ni thei a,” a ti.
Hmeichhia leh mipa dah dun chungchangah doctor-te chuan dam lo an ngah avangin hmeichhia leh mipa an thliar tak tak thei lo tih an sawi a, dam lo awm zat leh chhuak zat azirin hmeichhe hlang emaw mipa hlang emawa awmkhawmtir theih loh chang a awm fo tho leh tum dangah pawh mipa leh hmeichhia an awmho fo thu leh Covid-19 natna vei admit ngai an awmin hmun remchangah an lo dah mai thin thute an sawi. Dr BD Chakma awmna kha mipa hlang emaw hmeichhe hlang emaw awmna tura buatsaih a nih loh hrim hrim thu an sawi a, ICU ang deuh a nih thu leh mipa leh hmeichhia an awm theih ve vena a nih thu sawiin, a tukah mipa emaw hmeichhia emaw an luh belh theih thu lehchutiang chu an dinhmun a nih thu sawiin doctor-te chuan, ‘Khum pariat awmna a ni a, mipa emaw hmeichhia emaw kan thliar lo a, a rem rem an awm mai a,’ an ti. He room-ah hian a hma pawhin mipa leh hmeichhia an lo awm tawh tih an sawi bawk.
Dr BD Chakma hian hri a kai a ring lo a, ZMC atanga a chhuah dawn tepah pawh a positive a rin loh thu sawiin, RT-PCR chu 10% vel ‘false negative’ a ni tiin phone hmangin The Aizawl post a hrilh.
ZMC doctor-te chuan mi an inrin leh inrin loh chungchangah sawi theih an neih loh thu The Aizawl Post an hrilh a, ‘Sample test result bak hi rin tur dang kan nei lo, khawvelin test result bak hi rin tur a nei lo,’ an ti.
Doctor-te chuan a hma pawhin mi dang hnen atangin phone call an dawn fo thu leh inring lo an tawn fo thu an sawi a, “Pu BD Chakma hian a sawi chhuak a ni mai a, mi dang pawhin an ring lo fo a, mi an zawt nawn fo a, thuawih takin an awm a ni mai a. Laboratory-in positive a tih chuan khawvelin positive a ti a, a bak han sawi theih kan nei lo,” doctor pakhat chuan a ti.
BD Chakma hi MLA hostel, tun hnaia CCC atana buatsaih Ningani chawhnu lam khan a insawn a, “Doctor leh staff-te chungah ka lawm, min enkawl tha a. System zawk hi ka sawisel a,” a ti.
Dr BD Chakma, lehkha hi Ningani khan social media-ah a darh a, amah BD Chakma chuan a tihdarh a nih loh thu sawiin, “MLA group-ah ka post a, ka tidarh lo,” a ti.
- THE AIZAWL POST
Dr BD Chakma hian health minister leh Medical Operational Team on Covid-19 leader hnenah a awmna hi a sawisel a, ziaka a thlen danin, Covid-19 lanchhuahna natna nei nen an dah dun a, hmeichhia nen an dah dun bawk chu a sawisel a ni.
Nilaini khan a awmna ward-ah hian hmeichhe pakhat dahluh a ni a, Dr BD Chakma chuan an dahluh hmeichhia hi ‘symptom’ nei nasa a ti. Amah BD Chakma hi symptom nei lo a ni.
“Symptom ka nei miah lo a, ani chu symptom nei nasa a ni a. Symptom nei nen min awmtir kha a dik lo a. Hmeichhia leh mipa kan awm dun kha ka duh lo a, ka zak em em a,” tiin BD Chakma chuan The Aizawl post a hrilh.
Chutih laiin ZMC doctor-te chuan BD Chakma awmnaa dahluh thar hi symptom nei lo an ti thung a, zunthlum chu a nei an ti.
“Symptom a nei lo a, kha room kha symptom neite awmna tur a ni lo hrim hrim a. ZMC-ah hian symptom nei leh nei lo awmna tur a hrangin a awm a, symptom nei ni se hmun dangah kan dah ang,” tiin doctor pakhat, a hming tarlan rem lo chuan The Aizawl Post a hrilh. Doctor dang pakhat pawhin, “Symptom nei lo a nih vangin symptom nei lote awmnaah kan dah a. Amaherawhchu, symptom kan tih hi a inang lo te pawh a ni thei a, AC room te a ni a, a lo khuh te pawh a ni thei a, chu chu symptom-ah a lo ngai te pawh a ni thei a,” a ti.
Hmeichhia leh mipa dah dun chungchangah doctor-te chuan dam lo an ngah avangin hmeichhia leh mipa an thliar tak tak thei lo tih an sawi a, dam lo awm zat leh chhuak zat azirin hmeichhe hlang emaw mipa hlang emawa awmkhawmtir theih loh chang a awm fo tho leh tum dangah pawh mipa leh hmeichhia an awmho fo thu leh Covid-19 natna vei admit ngai an awmin hmun remchangah an lo dah mai thin thute an sawi. Dr BD Chakma awmna kha mipa hlang emaw hmeichhe hlang emaw awmna tura buatsaih a nih loh hrim hrim thu an sawi a, ICU ang deuh a nih thu leh mipa leh hmeichhia an awm theih ve vena a nih thu sawiin, a tukah mipa emaw hmeichhia emaw an luh belh theih thu lehchutiang chu an dinhmun a nih thu sawiin doctor-te chuan, ‘Khum pariat awmna a ni a, mipa emaw hmeichhia emaw kan thliar lo a, a rem rem an awm mai a,’ an ti. He room-ah hian a hma pawhin mipa leh hmeichhia an lo awm tawh tih an sawi bawk.
Dr BD Chakma hian hri a kai a ring lo a, ZMC atanga a chhuah dawn tepah pawh a positive a rin loh thu sawiin, RT-PCR chu 10% vel ‘false negative’ a ni tiin phone hmangin The Aizawl post a hrilh.
ZMC doctor-te chuan mi an inrin leh inrin loh chungchangah sawi theih an neih loh thu The Aizawl Post an hrilh a, ‘Sample test result bak hi rin tur dang kan nei lo, khawvelin test result bak hi rin tur a nei lo,’ an ti.
Doctor-te chuan a hma pawhin mi dang hnen atangin phone call an dawn fo thu leh inring lo an tawn fo thu an sawi a, “Pu BD Chakma hian a sawi chhuak a ni mai a, mi dang pawhin an ring lo fo a, mi an zawt nawn fo a, thuawih takin an awm a ni mai a. Laboratory-in positive a tih chuan khawvelin positive a ti a, a bak han sawi theih kan nei lo,” doctor pakhat chuan a ti.
BD Chakma hi MLA hostel, tun hnaia CCC atana buatsaih Ningani chawhnu lam khan a insawn a, “Doctor leh staff-te chungah ka lawm, min enkawl tha a. System zawk hi ka sawisel a,” a ti.
Dr BD Chakma, lehkha hi Ningani khan social media-ah a darh a, amah BD Chakma chuan a tihdarh a nih loh thu sawiin, “MLA group-ah ka post a, ka tidarh lo,” a ti.
- THE AIZAWL POST
Post a Comment
He post chungchanga i ngaihdan lo sawi ve rawh: