Aizawl | August 4, 2020: Union Minister of State for Culture & Tourism (Independent charge) Pu Prahlad Singh Patel chuan Sorkar laipui Ministry of Tourism hnuaia Swadesh Darshan Scheme hmang a Mizoram a "Thenzawl Golf Resort" siam chu vawiin khan virtual-in New Delhi atangin a hawng a. He hunah hian Mizoram Tourism Minister Pu Robert Romawia Royte leh Mizoram Tourism Department Commissioner leh Secretary Pi Esther Lalruatkimi te pawh an tel a ni.
He project hi Swadesh Darshan hnuaia Integrated Development of New Eco Tourism atang a sanction a ni a. Mizoramah hian North East circuit atan Thenzawlah leh South Zote, Serchhip District leh Reiekah te hmalakna turin cheng vaibelchhe 92.25 sanction a ni a. Hemi atang hian Golf Course tiamin Thenzawl a hmalakna tur atan cheng vaibelchhe 64.48 sanction a ni.
Ramdang nena khaikhinin a ram sik leh sa dinhmun avang hian India ram hian Golf tourism lamah potential kan nei tha hle a. A ram leilung mawina leh khual chhawn lama kan thatnate'n India rama golf tourism hi a titha leh zual bawk a. Tundinhmunah hian India ramah hian gold course 230 chuang kan nei mek a. Sorkar laipui hnuaia Ministry of Tourism chuan ram chhunga Golf Tourism tilar tur leh tihmasawn turin hma a la mek a. India ram hian international standard golf course thahnem tak a neiin India rama golf inelna buatsaihte chuan ram chhung leh rampawn atangin chawlh hmang a zin veivak mi tam tak a hip khawm thin a. Golf tourism thang mek lo chhawr tangkai tur hian Ministry of Tourism chuan India rama golf tourism promote na atan hian framework/kalphung kimchang leh felfai tak a duang chhuak a. He hmalakna hnuaiah hian rampawn leh ramchhung a chawlhhmang a zin veivak thinte hip tum an ni.
Thenzawl a Golf Course hi Graham Cooke and Associates, Canada lam mi Golf Course architectural firm tha ber zinga pakhatte'n an design a ni a. A zau zawng hi acres 105 niin a play area hi acres 75 a ni a, Sharing Fairway leh Rain Bird, USA in an siam automated sprinkler irrigation system hmang a thuam niin 18 Hole Gold Course a ni a. International standard pha tur facilities hmanga thuam tura duan a ni. Eco-Log Hut 30, Cafeteria, Open Air Food Court, Reception area, Waiting Lounge leh a dangte a awm a. Heng zawng zawng hi Siberian Pinewood hmanga sak leh world class furnitures leh fixtures hmang a thuam vek an ni.
Thenzawl Golf Course-in advantage a neih that em em chu man man zawkin international facility vekah golf khelh a ni thei tur hi a ni.
Post a Comment
He post chungchanga i ngaihdan lo sawi ve rawh: