Aizawl | August 24, 2020: Trinity Hospital Director chuan nimin khan thuchhuah siamin, Covid-19 vei pakhatin hripui a vei tih hmuh chhuah a nih hmain an damdawi-in a tlawh avangin damdawi-in khâr a nih loh thu a tarlang.
Trinity Hospital Director tarlan danin, Melriat khuaa Covid-19 vei tih hmuh chhuah pakhat chu August 20, 2020 khan an damdawi-inah a inentir ve a, chawhma 10:35 atanga chhun 12 vel thleng a awm. A awm chhungin a kalna apiangah damdawi-ina thawktute'n an hruai kual a ni. August 21 zing 7:30 - 8:30 inkarah endoscopy a ti leh bawk.
Melriat khaw pa-in Trinity Hospital a thlen tirhah dawrtu dangte ang bawkin screening tih a ni a, village task force member, quarantine lai a nih thu a sawi lo. Hospital staff leh doctor contact a neihte chhui chhuah nghal niin, khung hran nghal an ni.
Trinity Hospital-a thawkte zinga mi 14 chu sorkar hmalakna angin August 21 khan random test atan an swab sample lak a ni a, Covid-19 an kai lo tih hmuh a ni. Hripui veiin a tlawh avangin damdawi-in khâr (lockdown) a ni lo a, tunlaia hripui léng vangin damlo awmna area leh pindante chu ni tin ur thianghlim (fumigate) thin a ni bawk.
Trinity Hospital Director chuan, social media-ahte thu belhchian dâwl lo thehdarh lo turin mi tin a ngen a ni.
- vanglaini
Post a Comment
He post chungchanga i ngaihdan lo sawi ve rawh: