Aizawl | August 6, 2020: Kolasib district bawrhsap Dr H Lalthlangliana chuan, Thingdawl leh Sethawn inkara lirthei ding khalhtu tangkhangte chu, an vai a Rapid Antigen Test hmanga endik tul a a hriat avangin Hmawngkhawthlir leh Sethawn, RTP farm inkar chu Containment area-ah zanin dar 6:00 atangin a puang.
National Highway no. 54 thawm that hna thawh mek vanga hunbi nei a kawngpui khar kalpui mek a nih vangin Thingdawl leh Bualpui inkarah bungraw phur lirthei tangkhang thahnem tak an ding thin a. Kolasib bawrhsap ruahmannain COVID-19 Screening Team ten heng lirthei khalhtute hi Rapid Antigen Test an neih sak thin a ni.
Kolasib Bawhrsap chuan, henglai-ah hian Screening Point dah belha lirthei khalhtu tangkhang awm mek te hi a rang thei ang ber a Rapid Antigen Test hmanga endik turin thupek a chhuah a ni.
Containment Area-in a huam chinah hian dawr hawn khap a ni a, mipui vantlang pawn chhuah khap niin lirthei khalhtu Rapid Antigen Test hmanga endik tur te pawh an mahni lirthei chhungah chauh awm tur a ngen leh hriattir an ni bawk.
Containment Area-a puanin a huam chhungah hian, ni 06.08.2020 dar 6:00 PM atanga thu leh awm hma chu lirthei eng chi mah tlan phal a ni lova. Khapna thupek hian, Medical Team, dan leh thupek kengkawhtute leh chhiatrup thil avanga chetvelna erawh a huam lo ang.
- DIPR
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: