SEC in Candidate leh a zuitu pahnih aia tam lo tan House to House campaign phal

Aizawl | August 13, 2020: Mizoram State Election Commission chuan, Local council leh Village Council Election Campaign-ah candidate leh a zuitu midang pahnih aia tamlo te tan ‘House to House’ Campaign a phal.

Exploremizoram.com thu dawn danin, State Election Commission chuan August 5- a thupek  a lo chhuah tawh chhunzawm in, Mizoram-ah COVID-19 vei an lo pun  zel avangin, mipuite himna atan kaihhruaina siam belh a, Local Council leh Village Council Election Campaign House to House Campaign chungchang-ah COVID-19 darh loh nana fimkhur thuah khuahkhirhna (restriction) siam ta a ni.

SEC chuan,  Election Campaign-ah candidate leh a zuitu midang pahnih aia tamlo te tan ‘House to House’ Campaign phal a . Mahse, Mimal compound leh in chhunga luh phal leh phal loh erawh chu in neitu te thu-ah a dah thung.

Post a Comment

0 Comments