Aizawl | August 2, 2020: Sairang Village Task Force meeting chuan zanin dar 8:30 atang hian thu leh awm hma chu COVID 19 positive awm vangin leh mipui inkai darh hlauhthawn vangin Sairang khawchhungah Total Lockdown a kalpui dawn.
 |
| Sairang Partial lockdown thlalak|| Pc-a Pachuau || |
A chhan
*Ni 24.07.2020 khan hnamdang nupa chu Guwahati atangin an lo haw ru a, a nupui hi Sairang khawmi a nih avangin Lengpui Road Sairang area-ah an chhungte thlam/buk a awmte chun an fin a ni. An lo haw thu hi an thlen atanga darkar khat liam hnu velah hriat chhuah a ni a, Sairang Village Task Force-te chuan rang taka bawhzuiin an lo haw dan leh an lo thlen atanga an chet dante chhui chhuak nghalin hemi ni la la hian home quarantine turin chhungkaw parukte chu hrilh hriat nghal an ni. Ni 5 liam hnuah an swab sample test turin lak a ni a, vawiin (02.08.2020) khan result lo chhuakin an pa hi a positive a ni tih hmuh chhuah a ni.
*An lo haw hian Sairang Dinthar piah thlanvawng kawnah chhukin Auto Rickshaw an hmanga, an auto chuannate pawh hi quarantine nghal an ni.
*Khawchhungah Auto hi alo service hman tawh a, a phurhte hi quarantine vek ni mahse a chhe ber thleng palh thei laka kan invenna turin he Total Lockdown hi puan a ni ta a ni.
*Naktuk (03.08.20) hian hemi kaihhnawiha inhnamhnawih ni-a hriatte zawng zawng swab sample test a ni dawn a, result duhawm tak khawtlangin kan neih ngei theihnan chhungtinte tawngtai lama tan la turin kan insawm nghal a ni.
*Total Lockdown kalpui dan tur hetiangin
1. Zanin dar 8:30 atangin thu leh awm hma chu pawn chhuah khap tlat a ni a, harsatna emaw pawimawh thil kan nei a nih chuan Sairang Village Task Force hruaitute hriattir hmasak tur a ni.
2. Total Lockdown chhung hian eng sumdawnna mah kalpui phal a ni lo va, balu hralh chhuah/phur chhuah , nul/leipui kal, infiamna(sports) chi hrang hrang, lui kal bakah pawn chhuah ngai chi reng reng khap rih a ni.
3.Total Lockdown chhung hian Sairang khawchhunga Sawrkar Office hrang hrang, Bank, School, Infiamna hmun, Gym, Bazar zawng zawngte khar vek tur a ni.
4. Lirthei/Motor LPK, SK, Sumo, Auto, Two Wheeler, a vaiin khalh chhuah khap a ni.
5. Harsatna nei thei vek kan ni a, eng emaw thil bikah chuan inhriatthiamna neih a ni ang a, chutihrualin hruaitute hriattir hmasak phawt tur a ni a, inhriattir lova phal lo thil lo ti an awm chuan an chungah action lak a ni dawn a ni.
5. Mikhual neih phal a ni lo va, hriat ngai loh mikhual khawchhungah hmuh tur an awm leh nulh thin a, chhung tinte fimkhura mikhual nei lo turin kan inngen a ni.
6. Lockdown chhung hian hmundang/khualkhua atangin Sairang khawchhungah tumah luh phal a ni lo.
Khawtlang mipuite kan him tlanna turin heng ruahmannate hi siam a ni a, chhungkaw tam tak tan chuan harsatna thlentu a ni ang tih a rinawm, chutihrualin a khawpum ang leh Ram pum ang pawh kan him tlanna zawk tur a nih avangin lungawi taka min zawm sak turin khawtlang mipuite kan inngen a ni.
(H.LALRINKIMA)
Secretary
Sairang Village Task Force
(A hnuaia fakna hi lo hmet ve rawh.)
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: