- PM-KISAN hnuaiah direct benefit in Aadhaar linked bank account nei loneitu vaibelchhe 8.5 dawnlai hnenah PM chuan cheng vaibelchhe 17000 a thun sak.
- Cabinet-in Central Sector Scheme ang a a pawm atang a ni 30 chhungin Agriculture Infrastructure Fund hnuaiah farmer society 2280 chuang hnenah cheng vaibelchhe 1000 sanction a ni.
- Loneitute chu entrepreneur a inlei turin an inpeih tawh a, hei hi loneitute lakluh a let a tih san tuma hmalakna nena inhmeh a ni: PM
Aizawl | August 9, 2020: Prime Minister Pu Narendra Modi chuan vawiin khan Agriculture Infrastructure Fund hnuaiah cheng vaibelchhe nuai 1 awmna financing facility lam a Central Sector Scheme thar a hawng a. He scheme hian loneitute, PACS, FPO-te, Agri-entreprenuer-te leh a dangte chu community farming assent siamna leh post harvest agriculture infrastructure lamah chhawmdawlna a pe dawn a. Heng assent te hmang hian thlar tharte dahthain man to zawkin an hralh theih dawn a, thlaichhiate a tlem tawh dawn a, processing tam zawk tih theih anih dawn bakah value addition a awm thei dawn a, loneitute thar chhuah a hlut zual phah dawn bakah man hla zawkin an hralh thei dawn a ni.
Vawiin hi Cabinet in he scheme a pawm atang a ni 30 na chauh a la ni a. Farmer society 2,280 chuang hnenah sanction khatna angin cheng vaibelchhe 1000 pekchhuah a ni a. He hun hi video conference hmang a neih niin ram chhung hmun hrang hrang atangin loneitu, FPO, cooperative, PACS leh mipui nuai engemawzatin an chhim a ni.
He hunah hian Prime Minister chuan PM-KISAN scheme hnuaia installment 6-na atan cheng vaibelchhe 17,000 chu loneitu vaibelchhe 8.5 dawnlaite tan a tlangzarh nghal a. He sumfaia chhawmdawlna sem hi an Aadhaar verified bank account ah thun sak thin an ni. Tuna semchhuah tur nen hian he scheme hian loneitu vaibelchhe 10 chuang hnenah December ni 1, 2018 atang khan cheng vaibelchhe 90,000 chuang a lo semchhuak tawh a ni.
Primary Agriculture Credit Society-te nena inkawm hona
Prime Minister chuan virtual-in Karnataka, Gujarat leh Madhya Pradesh a Primary Agriculture Credit Society pathum, scheme beneficiary hmasa zing a telte inkawmna a neih pui a. Prime Minister chuan heng society aiawhte hi urhsun taka inkawmna neihpuiin tuna an kalphung leh loan hman tangkai an tum dante a sawipui a. Society-te hian Prime Minister hnenah hian godown sak an tum thute, member-te'n an tharchhuah atanga hlawkna tam zawk an neih theihna atana puitu tur grading leh sorting unit-te siam an tum thu an hrilh a ni.
Ram mipuite hnena thuchah
Primary Agriculture Credit Society-te inkawmna a neihpui zawh hian ram mipuite tana thuchah sawiin Prime Minister chuan loneitute leh agriculture sector-te'n scheme hi an chhawr tangkai ngei a beisei thu a sawi a. He scheme hian loneitute leh agriculture sector tan sum lama zangkhaina thlenin khawvel zau zawk thlirin ramdangte el phahin India ram hi a siam dawn a ni a ti.
Prime Minister chuan post-harvest management solution lamah India chuan opportunity a neihthat thusawiin warehousing, cold chain leh food processing lamah te beisei tur a nei a ni a ti a. Organic leh fortified food lamahte khawvel huapin a huang a zauh thei a ni a ti. He scheme hi agriculture lama start-up te pawhin chhawr tangkaiin an huang an zauh thei dawn a, hetiang a hmalak anih chuan India ram hmun kil khawr ber a loneitute pawh an thleng pha dawn a ni a ti.
Prime Minister chuan PM-KISAN scheme kalpui chhoh a nih dan chu lungawithlak a tih thusawiin program hi a len tham em avangin vawiin a fund tihchhuah ringawt pawh hi ram engemawzat a cheng mihring belh khawm ai pawhin an tam zawk a ni a ti a. State sorkarte pawh he scheme kalpui chungchang a an hmalaknate fakin registration tih atang a sum pek chhuah thlengin loneitute hnenah chhawmdawlna an pe a ni a ti.
Union Minister of Agriculture & Farmers' Welfare, Pu Narendra Singh Tomar pawhin he hun hi a hmanpui a ni.
Agriculture Infrastructure Fund
Agriculture Infrastructure Fund hi post-harvest management infrastructure leh community farming asset a project laktlak a investment titu medium-long term debt financing facility a ni a. Financing facility hi interest subvention leh credit guatantee hmang a pek thin a ni. Scheme hun chhung hi FY2020 atang a FY2029 (kum 10 chhung) a ni a. He scheme hnuaia cheng vaibelchhe nuai 1 hi bank leh financial institution-te'n loan angin kum khat a 3% pungin an pe chhuak dawn a. CGTMSE scheme hnuaiah loan cheng vaibelchhe 2 thleng chu credit guarantee coverage siam a ni ang a. Beneficiary zingah hian loneitute, PACS te, Marketing Cooperative Society-te, FPO te, SHG te, Joint Liability Group (JLG) te, Multipurpose Cooperative Society te, Agri-entrepreneur-te, Startup-te leh Central/State agency emaw Local Body sponsored Public-Private Partnership Project te an tel a ni.
PM-KISAN
PM-KISAN schemr hi kum 2018 December thla khan landholding farmer zawng zawngte (a huam telloh te pawh chiang taka siam a ni) tana an lakluh pui tutur atan a sumfaia chhawmdawlna siam a ni a. Loneihna atana an mamawhte phuhru a chhungkaw chawmna atana an hman theihna tura chhawmdawlna a ni ber a. He scheme hnuaiah hian a dawng thei chin loneitute hnenah kum khat atang installmentin cheng 6000/- sumfai a pek thin a ni.
Agriculture sector tana khawvar
Heng hmalaknate hi Prime Minister kaihhruaina hnuaia Sorkar laipuiin reform hrang hrang a siam zinga a thar lam ber an ni a. Heng ruahmannate hian India rama agriculture sector tan khawvar thar a rawn thlen dawn a, India rama loneitute hmakhua Sorkarin a ngaihzia tilangtu anih bakah an khawsak phung chawikang tura hmalakna pawimawh tak a ni.
***
- PIB Aizawl
(A hnuaia fakna hi lo hmet ve rawh.)
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: