MAMIT-AH JUDICIAL OFFICERS' RESIDENTIAL QUARTERS HAWNG

Mamit | August 11, 2020: Vawiin khan Justice Michael Zothankhuma leh Justice Nelson Sailo, Judge, Gauhati High Court-te chuan Mamit Bethelvenga Judicial Officers' Residential Quarters an hawng.

Pu Justice Michael Zothankhuma chuan Mamit-in Judicial Officers' Residential Quarters tha tak mai an nei thei chu lawmawm a tih thu a sawi a. Covid boruak avangin thubuai remna kawnga Court kalphung pawh Virtual Court Video Conferencing hmangin tih thin anih thu a sawi a. Mamit-ah pawh District Court leh District Jail inkar a hlat avangin hetiang Virtual Court hmanga thubuai chinfel anih theih nan District Court Mamit-a thawktute chu a fuih a ni.

Hon'ble Justice Nelson Sailo pawhin thu sawiin Democracy ramah Independent Judiciary chu thil pawimawh berte zing ami a ni a. Judicial Officers'-te'n miin luah ngai lova mipuite tana hna an thawk thei tur chu thil lawmawm tak a ni a ti.

Er. Lalngaisanga, Sr.SDO, Project Sub-Division, Mamit chuan Technical Report pein Judicial Residential Quarters te hi Rs 465.13 lakhs sengin 1st August, 2018 khan sak tan anih thu a sawi a. Building pathum awmin Grade I, II, III tana ruahman anih thu leh Architectural Design, Structural Design bakah a thawktute hi Mizoram PWD an nih thu a tarlang a ni. Grade I Residential Quarters zau zawng hi 243.67 Sqm niin Grade II zau zawng hi 230.88 Sqm a ni a. Grade III Building zau zawng hi 137.30 Sqm a ni. A foundation leh Superstructure te hi M20 grade concrete leh a sakna bungruate pawh a tha ber ber hman anih thu tarlangin, lirnghing lo thlen palh pawha dawl zo tura ngaih anih thu a sawi. Heng bakah hian Judicial Quarters Compound-ah hian Security Guards leh Solar Power Control Room sak a ni a, Compound fencing light, footpath fencing leh pangpar khawina hmun turte siam anih thu a tarlang bawk. Heng Quarters pathum tan hian RCC Water Tanky, ruahtui pawh khawl thei tur 35000 lit. theuh dah anih thu tarlan a ni bawk.

Mamit-a Judicial Officers' Quarters hawnna Programme hi Pu Joel Joseph Denga, District & Sessions Judge, Aizawl chuan kaihruaiin Pu Laldinpuia Tlau, CJM Mamit chuan kalkhawmte hnenah lawmthu a sawi a ni.

He hunah hian Mamit DC, Mamit khawpui chhunga tlawmngai pawl leh khawtlang hruaitute bakah thutharthehdarhtute, Law & Judicial Department leh Gauhati High Court Registry hotute an tel a ni.

- DIPR