Kanhmun-ah ramri khar dawn; Ramri veng uluk zual dawn

Aizawl | August 10, 2020: Kanhmun Village Task Force chuan thuchhuah siamin vawiin aṭanga August 16 thleng Medili Lei khar a nih tur thu an tarlang.

Thuchhuahin a tarlan danin, Assam lam atanga bungraw rawn luhna Medili lei a rawn kal Driver pakhat chu positive ngei ani tih finfiah ani a, a lirthei hmangtu leh a fapa a bula rawn telve thin pawh positive ve ngei a rinhlelh an ni. Heng mite hian Medili leh khulai velah an chettlat nasat avangin leh a bul hnaiah khua te a awm ve bawk si avangin fimkhur thu hlaah Medili lei chu karkhat chung (10-16.8.2020) lut leh chhuak khar rih ani.

State thenawm atanga lui kana chawhmeh zawng, inhlawh tum leh chhungte tlawh tum an awm tak deuh reng avangin ramri (ramhnuai lam) uluk leh khauh zawka ven an tum a, man an awm chuan action na taka lak tur a nih avangin man tawklo tura fimhur turin mipui an ngen.

Post a Comment

0 Comments