JEE leh NEET exam hun sawn tura nawrna nasa; MZP-in hma lakpui turin CM ngen

Aizawl | August 29, 2020: National Testing Agency (NTA) chuan hripui leng karah september thla khian Joint Entrance Examination (JEE) leh National Eligibility cum Entrance Test (NEET) chu buatsaih a tum a, hmun hrang hrangah dodalna a nasa hle.

India rama zirlai nuaih 24 chuangin exam hi an hmachhawn dawn a, nuaih 19 chuangin JEE Main 2020 leh NEET 2020 admit card hi an download tawh a, NTA chuan september hian India ram hmun hrang hranga centre hrang hrangah he exam hi buatsaih ngei a tum a ni a. Mizoram bikah JEE exam tur zirlai 800 bawr vel an awm  thu leh NEET exam tur mi 1700 bawr vel an awm.

JEE hi September 1 - 6 chhunga buatsaih tur a ni a, NET hi September 13 hian buatsaih a ni bawk ang.

He exam hi buatsaih luih a nih chuan zirlai tam takin harsatna an tawk thei dawn a, chumi vang chuan exam hun sawn tura ngenna leh nawrna a ansa hle.

Mizoram-ah pawh zirlaite harsatna hriain Mizo Zirlai Pawl (MZP) chuan, Mizoram Chief minister Zoramthanga hnenah hmalakpui tura ngenna leh rawtna vawiin khan an thlen. MZP chuan, zirlaite harsatsan tarlangin, an harsatna te chu Union Education minister hnena thlensak a, exam hi sawn hla rih tura ngenpui turin CM hi an ngen a ni.

MZP chuan he exam buatsaih tur vanga zirlaite harsatna leh tawrhna chu pawi an tih thu tarlamngin, Mizoram-ah centre hi Aizawl chiah a awm avangin Aizawl-a awm lo zirlai tam takin harsatna an tawk mek  a, thingtlang atanga exam tur ten thlenna an nei lo'an ti.

Veng hrang hrang lockdown a ni a, zirlai tam tak khunghran mek an awm thu te an tarlang bawk a, Mizoram bikah JEE exam tur zirlai 800 bawr vel an awm  thu leh NEET exam tur mi 1700 bawr vel an awm a, hri darh [palh hlauhawm thei a nih thu an tarlang bawk.

Mizoram zirlai zingah an zirna vanga Mizoram pawna exam centre nei an awm thu tarlangin, heng zirlai bakah state pawna tangkhang mek Zirlai te pawhin exam centre pan nan harsatna an tawh theih thu an tarlang.

Mizoram bakah hian BJP sawrkarna ni lo state ruk atangin minister paruk; West Bengal (Moloy Ghatak), Jharkhand (Rameshwar Oraon), Rajasthan (Raghu Sharma), Chhattisgarh (Amarjeet Bhagat), Punjab (B S Sidhu) leh Maharashtra (Uday Ravindra Sawant) ten he exam hi sawn hla turin an lo ngen tawh  a ni.

NTA chuan zirlai 99%  te chu an centre duhthlan a exam hmachhawn thei tura hrilhhriat an nih tawh thu an tarlang thung.