COVID-19 Positive thar 12 hmuhbelh

August 17, 2020: Nimin August ni 16, 2020 khan ZMC Laboratory-a RT-PCR khawl hmanga swab sample test 80 zingah COVID-19 vei 7 hmuhchhuah thar a ni a. Rapid Antigen Test 396 tih niin COVID-19 vei 5 hmuhchhuah a ni bawk a. Lunglei Civil Hospital TrueNAT laboratory-a sample test 28 zingah COVID-19 vei hmuhchhuah thar an awm lo.

ZMC Laboratory-a COVID-19 positive hmuhchhuah tharte hi Aizawl district a sample lak 6 leh Lawngtlai district a sample lak 1 an ni a. Aizawl district a COVID-19 vei hmuhchhuah tharte hi positive contact atanga kai vek Chaltlang Lily veng ami 3 (mipa - 2, hmeichhia - 1, kum 11, 17 leh 55), Sawleng khua ami 2 ( mipa kum 10, hmeichhia kum 57) leh Darlawn khua ami hmeichhia kum 36 a upate an ni a, COVID-19 symptoms an nei rih lo.

Lawngtlai district-ami COVID-19 positive thar hi mipa kum 48 a upa, Maharashtra atanga lo haw, Lawngtlai Hospital-a enkawl lai mek, COVID-19 symptoms neilo a ni.

Rapid Antigen Test hmanga COVID-19 positive hmuhchhuahte hi Kolasib district-a sample test zing ami 3, leh Serchhip district-a sample test 2 an ni a, Kolasib district-a positive hmuhchhuahte hi hnamdang lirthei khalhtu, mipa vek, kum 20-38 inkar, Assam atanga lo kal 2, Bihar atanga lo kal 1 an ni a. Serchhip district-a positive hmuhchhuah tharte hi mipa ve ve kum 23 leh 26 a upa, Assam atanga lo kir an ni a. COVID-19 symptoms nei an awmlo.

Lunglei Civil Hospital TrueNAT PCR Laboratory-ah sample test 28 (mipa - 19, hmeichhia - 9) zingah COVID-19 positive an awm lova, sample test sakte hi khawtual mi vek an ni.

August ni 16, 202O a ZMC RT-PCR laboratory-a District hrang hrang sample test zat

Aizawl - 79 (Mipa - 50, Hmeichhia - 29)

Lawngtlai - 1 (Mipa)

Total - 80 (Mipa - 51, Hmeichhia - 29)

August ni 16, 202O a Rapid Antigen Test hmanga District hrang hrang sample test zat

Kolasib - 374 (Mipa - 360, Hmeichhia - 14)

Mamit - 10 (Mipa vek)

Serchhip - 12 (Mipa - 7, Hmeichhia - 5)

Total - 396 (Mipa - 377, Hmeichhia - 19)