Aizawl | August 2, 2020: Nimin khan Ni khata Mizoram a COVID 19 Positive hmuhchhuah hnem ber ṭum thlengin mi 54 hmuhchhuah an ni. Heng zinga pahnih hi quarantine loh, The Grand Hotel, Chanmari, Aizawl-a thawktu an ni a, Mipui an ralṭi nghal hle.
(A hnuaia fakna hi lo hmet ve rawh.)
Sawrkar website in a tarlan danin, Nimin #COVID19 positive hmuhchhuah thar 55 zinga pahnih, positive contact atanga kaite hi The Grand Hotel, Chanmari, Aizawla thawk lai an ni a. Pakhat hi Zemabawk North a awm niin, pakhat hi Kulikawna awm a ni.
The Grand Hotel,Chanmari Aizawla thawk ve ve an ni a. Thuneituten contact tracing an ti mek.
The Grand Hotel a awm te hi sample laksak vek tawh niin, zaninah test result hriat hman beisei an ni.
Thudawnnain a tarlan danin, Grand Hotel a thawk receptionist anni a, an inringhlel a, an in test tir a, an positive a ni. Nimin khan Chanmari bazar ah 10:30 leh chawhnu dar 3 velah an bazar nia hriat a ni a, hemi vang hian Chanmari leh Zarkawt veng chhung an ralṭi nghal hle.
Chanmari Local Task force thuchhuahin a tarlan danin, Covid 19 positive-ten August ni 1, 2020 (Inrinni) ah MY HAMZ dawr, Chanmari, Aizawl chu an lo dawr a ni.
•Chuvangin hemi ni chawhma dar 10:30 leh a hnu lama he dawra kal zawng zawngte chu mahni hriselna endika fimkhur taka mahni inah pawn chhuak lova lo inenkawl turin hriattir an nih bakah, phone no. 9862365880 ah inhriattir turin an ngen.
• August ni 1, 2020 (Inrinni) chawhma dar 10:30 leh tlai dar 3 bawra Chanmari Market, Aizawla kal zawng zawngte chu mahni hriselna inendika fimkhur taka mahni in lamah pawn chhuak lova lo inenkawl turin hriattir an ni a. Covid 19 positive ten an lo dawr mi 3 te pawh hriatchhuah niin an chhungkuaa pawn lo chhuak lo turin hriattir an ni.
• The Grand Hotel, Chanmari, Aizawl quarantine centre atana hman mek chu tun a enkawl mekte bak chu midang tan hman chhunzawm tawhloh tur a ni.
________
Zarkawt LLTF Hriattirna
Hotel Grand a thawk positive hmuh an nih avangin ni 1 August (Inrinni) chawhma 10:30 leh chawhnu dar 3:00 inkara Chanmari Bazar a kal kan awm chuan LLTF Secretary (8575254591) hnenah inhriattir tur a ngen kan ni e.
Khawtlanga țai darh (community spread) thei dinhmun a kan din avangin veng mipui te țul bik thilah lo chuan pawn chhuak lo turin kan inngen e.
Sd/- Member Secretary
Zarkawt LLTF
2/8/2020
Chanmari Local Level Task Force*
*HRIATTIRNA*
Dt 02.08.2020 (12:30 pm)
1. Aizawl, Chanmari a The Grand Hotel enkawltute pahnih Covid 19 positive-ten August ni 1, 2020 (Inrinni) ah MY HAMZ dawr, Chanmari, Aizawl chu an lo dawr a. Chuvangin hemi ni chawhma dar 10:30 leh a hnu lama he dawra kal zawng zawngte chu mahni hriselna endika fimkhur taka mahni inah pawn chhuak lova lo inenkawl turin hriattir an nih bakah, phone no. 9862365880 ah inhriattir tur a ni.
2. August ni 1, 2020 (Inrinni) chawhma dar 10:30 leh tlai dar 3 bawra Chanmari Market, Aizawla kal zawng zawngte chu mahni hriselna inendika fimkhur taka mahni in lamah pawn chhuak lova lo inenkawl turin hriattir an ni a. Covid 19 positive ten an lo dawr mi 3 te pawh hriatchhuah niin an chhungkuaa pawn lo chhuak lo turin hriattir an ni.
3. The Grand Hotel, Chanmari, Aizawl quarantine centre atana hman mek chu tun a enkawl mekte bak chu midang tan hman chhunzawm tawhloh tur a ni.
4. Chanmari mipuite chu pawn chhuak tam lo tur leh theihtawpa fimkhur turin ngen an ni.
Sd/-LALTHLAMUANI
Secretary,
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: