COVID 19: Hri vei 25 hmuhchhuah belh

Aizawl | August 12, 2020: Nimin khan Mizoram district pathum atangin positive 25 hmuhchhuah belh an ni. Heng positive hmuhchhuah tharte hi Aizawl atangin 10, Kolasib atangin 10 leh Lunglei atangin panga an ni.



Heti hian Mizoram-ah hri vei hmuhchhuah tawh zat hi 648 niin, dam tawh 323 an awm a, hir vei mek 325 an awm bawk.

Nimin khan ZMC Laboratory-a RT-PCR khawl hmanga swab sample test 157 zingah COVID-19 vei 10 hmuhchhuah thar a ni a.

ZMC Laboratory-a COVID-19 positive hmuhchhuah tharte hi Aizawl district ami vek mipa 3 leh hmeichhia 7 an ni a, ( exploremizoram.com ) nausen thla 3 leh naupang kum 7 telin midang zawng hi kum 15-63 inkar an ni. An zinga 8 hi Home Quarantine lai, positive contact atanga kai an ni a, a dang 2 hi Assam leh Karnataka atanga lo kir, quarantine facility a awm mek an ni.

đź“ŚRapid Antigen Test: Kolasib district-ah COVID-19 vei 10 hmuhchhuah an ni.

Rapid Antigen Test hmanga COVID-19 positive hmuhchhuahte hi Kolasib district,-a sample lak vek, hnamdang lirthei khalhtu, mipa vek, kum 19-32 inkar, Assam state mi leh sa vek an ni.

đź“ŚLunglei Civil Hospital TrueNAT PCR: Sample test 10 zingah COVID-19 vei 5 hmuhchhuah a ni.

Lunglei Civil Hospital TrueNAT PCR Laboratory-ah sample test 10 zinga COVID-19 positive 5 hmuhchhuah tharte hi 61Bn BSF mi leh sa vek, mipa kum 31 - 52 inkar an ni a, quarantine facility-a awm lai mek an ni a, COVID-19 symptoms nei an awm rih lo. exploremizoram.com

Lawngtlai District a Truck Driver tangkhang positive contact mi 42 te RAT hmanga test an negative vek bawk

➡️August ni 11, 202O a ZMC RT-PCR laboratory-a District hrang hrang sample test zat

Aizawl - 93 (Mipa - 62, Hmeichhia - 31)
Saitual - 8 (Mipa - 6, Hmeichhia - 2)
Lawngtlai - 13 (Mipa vek)
Serchhip - 11 (Mipa - 10, Hmeichhia - 1)
ZMC - 32 (Mipa - 12, Hmeichhia - 20 )
Total - 157 (Mipa - 103, Hmeichhia - 54)

➡️August ni 11, 202O a Rapid Antigen Test hmanga District hrang hrang sample test zat

Aizawl - 178
Kolasib - 653
Champhai - 1
Serchhip - 4
Khawzawl - 2
Lawngtlai - 42
Total - 880

Post a Comment

0 Comments