August 05, 2020: Lebanon khawpui Beirut lawng chawlhna hmunah kang mei nasa tak a chhuak a, mi za tam tak he kang mei chhuak avang hian an hliam a, Lebanon Interior minister chuan he thil puak hi lawng chawlhna hmun bul hnaia thil kang awlsam tak ammonium nitrate ( Mizo țawngin kan nei lo a nih hmel) bungraw chhek in (warehouse) a dah chu a kang a, a puak ta niin a sawi.
He thil puak avang hian mi engemaw zat chu thi ngei tura ngaih a ni a, hliam pawh he thil puak chak tak avang hian tam tak an awm ngei ang.
Thawhlehni a Beirut lawng chawlhna hmuna thil puak hian na takin Beirut khawpui chu a nghawr nghing (shock waves) a, chu chuan inchhawng sang tam tak a tih chhiat bakah khawpui chhunga veng tam tak a in tam tak tukverh a nghawr chhe nasa hle a ni.
A sarhu lai anih avangin he thil puah chhan hi chiang taka hriat theih a la ni lo, tih thu Mohammed Fahmi, Lebanon Interior minister chuan a sawi a, a sawi zel dan chuan ammonium nitrate tam tham tak lawng chawlhna hmun a chhek in pakhatah dah a ni a, chumi chua kang ta a, mahse a kan chhan hi hriat a ni rih loh thu a sawi.
Hamad Hassan, Lebanon Health Minister chuan mihring za tam tak he thil puak/kang avang hian an hliam thu a sawi. Venhimna lam hna thawkte sawi dan chuan a tirah mihring thi 10 hmuh nghal an ni a, Damdawi leh chhan chhuahna hna thawktute chhan chhuah hna an thawh mek a vangin mi tam tak an thi tih bak sawi theih a ni rih loh thu an sawi.
Chung lam ațangin lawng chawlhna hmun kang țhelh turin helicopter te hman an ni.
He thil puak thlen lai hian Italy ram lawng lian Orient Queen chu a bul hnaiah a chawlh mek lai a ni a, lawng a chuang tam tak an mangangin an ralkhel nasa hle a, hliam pawh engemaw zat an awm a, thi an awm leh awm loh hriat theih a la ni rih lo. Hliam te hi damdawi in lamah rang taka phurh chhuah nghal an ni.
"He lawng hi a chhe hneh hle a, - cabins, lounge, engkim a ni mai," tih thu Vincenco Orlandini, kum 69 upa crew member chuan Al Jazeera a hrih a ni.
Beirut port a thil puak nasa tak hi an ramin sum leh paia harsatna namen lo tak (unprecedented financial crisis) leh a
coronavirus in na taka a tuam lai mek a ni.
Beirut lawng chawlhna hi khawpui lai li lai taka awm a nih avang leh lawng chawlhna hi ram hmasawnna ruhrel lian tak anih avangin eng tiang chiah a chhia leh pawi anih hi a sarhu lai hian chhut mai theih a la ni rih lo.
Source :
AL JAZEERA NEWS
August 05, 2020
@ 00: 34 IST
====05==07==20==
Huna Kawlvawm
Post a Comment
He post chungchanga i ngaihdan lo sawi ve rawh: