Youth Affairs and Sports minister in NYKS, NSS volunteer-te kaltlang a Atmanirbhar Bharat inhrilh hriatna kalpui turin State-te a chah; State hrang hrangte'n State pakhat tana hmala a, Sport policy pakhat neih chu Olympic a ropuina leh dinhmun sang min thlen thei tutur a ni - Kiren Rijiju

Aizawl | July 14, 2020: Youth Affairs & Sports minister Kiren Rijiju chuan vawiin khan State leh Union Territories a Youth Affairs leh Sports Department Minister -te leh senior official-te hmaah video conferencing hmangin thu a sawi.

Rijiju (Photo|PTI)

Union Minister of Youth Affairs ansd Sports Pu Kiren Rijiju chuan vawiin khan State leh Union Territories 18 a Youth Affairs and Sports Department Minister-te leh senior official-te chu video conferencing kaltlangin a kawm a. He meeting hi ni hnih awh tur conference thawhkhatna a ni a. He conference ah hian State leh UT-te chuan Covid 19 hripui leng reh hun a sports kalpui chhunzawm dan tur leh state-level a scheme hrang hrang promote kawng a Nehru Yuva Kendra Sangathan (NYKS) leh National Service scheme(NSS) a volunteer tam zawk neih dan tur chungchangah State leh UT -te chuan ruahmanna/ roadmap an neihte an sawi dawn a ni.

Meeting-ah hian thusawiin Pu Rijiju chuan NYKS leh NSS volunteer-te chuan Covid 19 hripui leng donaah hian tualchhung thuneitute nena tangrual a hna hrang hrang fak tlak a an thawh thusawiin tundinhmunah hian volunteer nuai 75 an awm mek a, Unlock 2 chhung hian he number hi vaibelchhe 1 ah kai tir kan tum a ni a ti a. Prime Minister-in Atmanirbhar Bharat a puan tawh thu sawilangin inkharkhip atang a kan inhawn chhoh leh hnuah kan volunteer-te chuan ram chhung mipui zawng zawng - loneitute, sumdawnna tenau neite leh a dangte hnenah intodelhna atang a hlawkna an neih theih hrilh hriat hna an thawk dawn a ni a ti a. Hemi kaihhnawihah hian State-te chu volunteer-te promote a, hna thazawk a thawk thei tura support pe tura sawmin Sorkar laipui inrawlh ngailova tualchhung thuneitute tawiawmin an thawhpui dawn a ni a ti.

Thu ngaihtuah ho tura chhawpchhuah sawihonaah State tam tak aiawhte chuan Ministry-in grassroot-level sports chawikan kawng a hmalakna a neih leh State tin a Olympic-level training kalpui anih  chu lawmawm an tih thu an sawi a. Khelo India State Centre Excellence (KISCE)  pakhat teuh state tina din a nih chu lawmawm an tih thu an sawi bakah State-te chuan One State One Sport policy ang a kal tha an ti a, Minister leh official-te chuan State pakhat tana hun kaltawh atang a an lo chetthatpui tawh thin sport pakhat thlurbing zawng a kal chu an ngaihven hle a. Pu Rijiju chuan "Kan ministry hian State-te chu sport pahnih khat hneh taka an kalpui theihna turin fund a pe ang a. KISCE-te chu sport thlan bik tan nodal centre a ni ang a,Olympics atan a inbuatsaihna angin world-class facility ah infiammite chu buatsaih an ni ang a. State-te chuan hmanlai infiamnate tiamin infiammite chu sport chi dangah pawh  an duh chuan an train thei ang a mahse infiamna chi hnih khat an thlurbing dawn a ni" a ti. State aiawhte chuan ramchhung district tina Khelo India Center 1000 din chuan tualchhung infiam mite chharchhuahna atan a tangkai dawn bakah rampum huapin ram mipuite thinlungah sports a sawhnghet dawn a ni an ti a. State tam tak chuan grassroot-level sport an promote kawng a hlawhtlinna an neihte an sawilang a ni.

Minister chuan Fit India Movement a State-te thahnem ngai taka an tel chu lawmawm a tih thusawiin India ram hmun hrang hrang a school nuai 2.5 chuan Fit India school ni turin an inziak lut a ni a ti a. Minister chuan State leh UT sorkarte chu an state leh UT chhung a school zawng zawngte chu naupang zawngte nuna hriselna leh infiamna tuh ngheh anih theihna atan  Fit India school ni tura in register tir tura hma la turin a chah a ni.

State aiawhte a kawm zawh hnu hian Pu Rijiju chuan conference hlawkthlak tak anih thu leh Minister leh officer-te chuan infiamna leh thalaite kaihhnawih thil hrang hrangah rawtna tha tak an pek thu a sawi a. Covid hrileng reh hun a sports kalpui chhunzawm an tum dan leh infiammite tana training kalpui an tum dan leh inbuatsaihnate min hrilh hria a ni a ti a. State-te chuan hmalakna tha tak an kalpui a, hemi kawngah hian Ministry chuan a theih angin kan tawiawm zel a. Kan kal zel tur atan ruahmanna/roadmap tha tak conference kaltlang hian kan neih ngei ka beisei a ni a ti.

A ni khatnaah hian Andhra Pradesh, Assam, Chattisgarh, Gujarat, Haryana, Himachal Pradesh, Jammu and Kashmir, Karnataka, Kerala, Ladakh, Maharastra, Odisha, Punjab, Rajasthan, Tamil Nadu, Telangana, Uttarakhand leh West Bengal aiawhte an tel a. State/UT dangte chu July ni 15, 2020 conference ah an tel dawn a ni.

- PIB Aizawl

Post a Comment

He post chungchanga i ngaihdan lo sawi ve rawh:

Previous Post Next Post