YMA Zirna Uar video clip insiamsiak ah North Vanlaiphai Rahsi veng thiam ber

Aizawl | July 10, 2020: Vawin chhun khan CYMA hall, Tuikhuahtlang ah CYMA Kumpuan 'Zirna uar' lam hawi Video clip tawi insiamsiakna a buatsaih result puan a ni a, North Vanlaiphai Rahsi veng branch chu pakhatna an ni.


He hun hi Tv. Lalhmachhuana Vice President CYMA in a kaihruai a, Pu Vanlalruata President in thusawina a nei bawk a ni.



Tv. Lalhmachhuana Vice President CYMA chuan thuhma sawiin, "Covid 19 hri leng avangin tum angin Kumpuan pawh kan bawhzui chak thei lo a, kan in hriatthiam tlan a ngai a ni. YMA member te chu kan teirei peih tur a ni a, Central service a tling leh tur hian lehkha zir ngar ngar hi kan tam lo khawp in a hriat a, chuvang in kan za vaia kan tanrual angai dawn a ni. Kan hnam hi mumal tak leh awmze nei zawk a, a kal theih nan zirna hi a pawimawh hle a, kan kum puan hian kut themthiamna/skill development lam pawh a huam vek a, YMA member te kan tanrual a ngai takzet a ni." a ti.



Pu Vanlalruata President CYMA chuan, "Zirna uar hi Kumpuan ah kan lo hmang tawh thin a, Zirna uar Kumpuan a kan han nei leh ta hi a ropui hle a ni. Hri pui leng karah kan hruaitu ten hmalakna chat lak lo a an kalpui reng thei hi a lawmawm hle a ni. Mihring te hi mi pangngai a min siam tu chu zirna hi a ni a, thiamna lam leh finna lam hawi zawng a kan kal loh chuan hnam ding chhuak leh hnam puitling kan ni lo mai ang tih hi a hlauhawm hle a ni. Hnam ropui te, ram changkang zawk te um pha tur chuan zirna hi kan ngaih pawimawh angai a ni. Zirna uar hi kum hnih atan puan lawk tawh a ni a, phur taka kan kalpui a ngai a, zirna hi a pawimawh a ni tih kan hriat thar deuh deuh a ngai a ni." a ti.

CYMA hnuaia Kumpuan sub-committee buatsaih Zirna uar Video clip insiamsiakna ah hian Branch YMA hrang hrang sawm(10) atangin Video hi hi dawn a ni a. Lawmman pakhatna la tu chu North Vanlaiphai Rahsi veng branch a ni a, Pahnihna Tumpui Branch Kolasib niin, pathumna chu Ramhlun South Branch Aizawl te an ni. Lawmman pakhatna hian pawisa Rs. 5,000 leh citation an dawng a, Pahnihna in Rs. 3,000 leh citation leh pathumna in Rs. 2,000 leh citation an dawng bawk a ni.

Post a Comment

0 Comments