MZU in Jeremy Lalrinnunga chawimawina hlan; MZU sports ambassador atan Jeremy Lalrinnunga

Aizawl | July 27, 2020: Mizoram University  (MZU) chuan vawiin khan Weightlifter Jeremy Lalrinnunga chawimawina an hlan.

Chawimawina hi MZU vice chancellor Prof KRS Sambasiva Rao chuan a hlan a. Hripui leng lakah inveng chungin mi pawimawh tlemte nen hun hi hman niin thudawnna chuan a tarlang.

Jeremy Lalrinnunga hian Youth Olympics 2018 Buenos Aires, Argentina  a neih ajh khan 62kg Men’s Weightlifting Competition -ah India tan a hmasa ber ni turin gold medal a lo la tawh a ni.


MZU hian Jeremy bakah hian India hockey star Lalremsiami Hmar pawh an lo chawimawi tawh a ni.

Infiamna hmanga Mizoram leh India lo ti hmingtha tawhtu Jeremy Lalrinnunga leh Lalremsiami te hi Mizoram University chuan Sports Ambassador atan a puang.



Hei bakah hian Mizoram University leh Pachhunga University College ah an duh anih chuan zirna senso tum ngai lovin a thlawnin an zirna an chhunzawm thei bawk dawn a ni.

Post a Comment

0 Comments