Aizawl | July 16, 2020: Mizo Zirlai Pawl (MZP) general headquarters buatsaih MZP hla inphuahsiak a hla tha zual pathum te chu vawiin khan an puang a. Top 3 zingah hian K Lalhmahruaia phuah, 'Kan chhuang zel dawn', B Malsawmkima phuah 'Changrel sual lo MZP' leh Benjamin Lalthlamuana phuah, 'Tanrual hi chakna a ni' te an thlang.
MZP General Headquarters Literature Sub-committee bultum a buatsaih MZP hla inphuahsiak chu tluang taka neiin, a hmawr bawk a hnaih chho ta a, Vawin ni 16 khan MZP Conference Hall-ah top-3 result puan a ni.
Top-3 hla te hi uluk zawk a recording tih a nih hnuah Mizoram leh Mizoram pawna MZP hruaituten vote thlakin lawmman dawngtu tur indawt dan an la thlang chhuak leh dawn a ni.
MZP hian hla hlui tha leh nalh tak tak lo nei tawh mahse, tunlai thalaite thu leh hlaa chawichhuahna leh chawimawina atan MZP Hla inphuahsiak hi buatsaih an ni.
Post a Comment
He post chungchanga i ngaihdan lo sawi ve rawh: