Aizawl | July 10, 2020: Chief Minister Zoramthanga chuan vawiin khan tunhnaia Mizoram khawchhak tlangdung chu lirnghingin vawi tam tak a sawi tawh thu leh, heng thil thleng hi uluk leh chiang zawka zir tur mithiam rawn tir turin Union Minister of Mines Pralhad Joshi hnenah lehkha ziakin a ngen.
 |
| CM Zoramthanga |
Chief Minister chuan June ni 21, 2020 atanga nimin thleng khan Mizoramah 4.2M atanga 5.5M inkar lirnghing in vawi 50 chuang Champhai district chu a nghawr tawh thu leh, he lirnghing avang hian building engemawzat a chhiat tawh thu te, mipui a ti thlabar in, in a mu ngamlo a pawn a mu pawh an hial thu te a thlen niin Sawrkar thuchhuah chuan a tarlang.
 |
| Union Minister of Mines Pralhad Joshi |
Chief Minister chuan Union Minister of Mines chu Geological Survey of India atangin Mizoram dinhmun rawn zirchiang turin Expert Seismologist/ Geo-physicist Mizoram rawn tir turin a ngen a. India hmarchhak state te chu lirnghing in a nghawr nat theihna ber zone (Zone-V) a awm an nih avangin Mizoram khawchhak lamah Earthquake Observation Centre dah belh a nih theih nan hmalak sak turin leh, district tin microseismic zonation tih a nih theih nan hmalak pui turin Chief Minister chuan Union minister chu a ngen a ni.
Geology & Mineral Resources leh Geological Survey of India, Mizoram unit hnuaia geologist ten GSI inkaihhruaina Standard Operating Procedure zawmin lirnghing chungchang hi zirchianna lo neih tawh a ni.
Post a Comment
He post chungchanga i ngaihdan lo sawi ve rawh: