Aizawl | July 29,2020: Ministry of Home Affairs (MHA) chuan vawiin khan inkaihhruaina thar a ti chhuak a, Containment Zone ah activity tam zawk tih a phal. Unlock 3 hi August 1, 2020 atanga kalpui tur a ni.
Vawiin-a tichhuah inkaihhruaina hi State leh UT sawrkar te rawtna hrang hrang lakhawm hnua Central Ministry leh Department ten inrawn khawmna an neih hnua siam a ni.
Inkaihhruaina tlangpui te
- Zan Curfew laiin mimal pawnchhuah phal a ni ang.
- Yoga institute leh gym te August 5, 2020 atangin hawn phal a ni. Ministry of Health and Family Welfare (MoHFW)-in Standard Operating Procedure (SOP) a tih chhuah angin social distancing zawm tur a ni ang.
- Social Distancing leh health protocol eg: mask vuah chungin Independence Day function neih phal a ni. Hemi chungchang ah hian MHA in 21.07.2020-a thu a chhuah zawm tur a ni ang.
- State leh UT te nen ngun taka inrawnkhawmna neih a nih hnuin school, college leh coaching institution te chu August 31,2020 thleng khar tur a ni.
- Vande Bharat Mission hnuaiah international air travel phalsak a ni a, amaherawhchu mi tlem te tan chauh a ni. Boruak a zirin thlang danglam zel a ni ang.
- Containment zone pawn lamah activity hrang hrang tih phalsak a ni a, a hnuaia mite erawh hi chu a huam lo
i) Metro Rail
ii) Cinema halls, swimming pools, entertainment parks, theatres, bars, auditoriums, assembly halls etc
iii) Social/ political/ sports/ entertainment/ academic/ cultural/ religious functions leh mipui tam tak punkhawm.
A chunga tarlan te hi boruak a zirin hawn/hman theih ni tihchhuah a ni ang.
- Containment Zone ah khauh takin 31st August 2020 thleng Lockdown kalpui a ni ang. Containment Zone hi State/UT sawrkar ten uluk taka an endik hnua, MOHFW kaihhruaina hmanga puan a ni. Containment zone chhung ah hian nitin atana mamawh te chauh tih phal a ni.
- Containment Zone te hi District Collector theuh te website ah notified a ni anga, MOHFW nen tlang takin engkim an in hrilh/hre tur a ni.
- Containment Zone te hi uluk takin State leh UT ten an vil tur a ni a, inkaihruaina siam te khauh takin an zawm tur a ni bawk.
- MOHFW in Containment Zone ngun takin a vil reng ang.
Containment Zone ni lo te activities State sawrkar kutah
State leh UT sawrkar theuh ten boruak a zirin Containment Zone ni lova mipui khawsak dan tur leh activity reng reng te a ruahman ang. Amaherawhchu inter-State leh intra-State a mihring leh bungrua kal vel ah restriction a siam tur a ni lo. Heng atan hian a hrain phalna- permission/approval/e-permit a ngai lovang.
Ram puma COVID 19 dona atana zawm tur National Directives for COVID-19 management chu zawm chhunzawm tur a ni. Social distancing kengkawh chungin sumdawnna hmun hawn tur a ni. He inkaihhruaina hi zawm a nih theih nan MHA in uluk takin a vil reng ang.
Vulnerable persons- Kum 65 aia upa, damlohna nei, raipuar leh naupang kum 10 hnuai lam te chu inchhunga awm tura hriattir an ni. Tul bik thil ah leh damloh vanga mithiam/damdawiin pan a ngaih hunah chuah chhuak tura hriattir an ni.
Aarogya Setu
Aarogya Setu mobile application hi mi tam zawkin an hman ni se.
(A hnuaia fakna hi lo hmet ve rawh.)
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: