Haruma Miura kan chan ta!

Aizawl | July 18, 2020: Koizora (Sky of Love) atanga Mizo ten kan hmelhriat Japanese actor leh singer Haruma Miura (30) chuan vawiin khan khawvel a lo chhuahsan ta!


Japanese movie Koizora (Sky of Love) ah Hiroki Sakurai anga hnehsawh taka a chan atanga kan hriat lar Haruma Miura (30) hi Japanese actor leh singer ani a. Haruma Miura hian a sam var va mai te kha a inhmeh bik hliah hliah a, Mizo te zingah pawh duh leh atchilh kan awm nuk awm e.



Miura hi vawiin(saturday) khan a hnathawh na ah a inlan lova , Tokyo-a a in ah an va kal chilh pawhin chhawn tur a lo awm tawh lo. Rang takin damdawiin ah kalpui nghal ni mahse vawiin tlai dar1(18 july, 2020) khan a thih thu hi an puang ta a ni.

Media lamin an report dan chuan mahni intihlum nia rin a ni a amaherawhchu a thih chhan tak erawh an la chhui mek thung.



Japanese actor leh singer ni bawk Haruma Miura hi 5 April ,1990 khan Tsuchiura, Ibaraki, Japan ah a piang a .February 19, 2009 kan Horikoshi High School ,Nakano, Tokyo ah a graduate a ni .

Kum 1997 atang tawh khan lemchan khawvel a lo luhchilh daih tawh a, hei mai bakah hian music video hrang hrang ah te pawh a in lan nual tawh.

Movie chi hrang hrang chang chho zelin Japan ramah chuan hming chher tawh viau mahse keini mizo te chuan kum 2007 a teenage movie Koizora atang khan Hiro tiin kan hmelhriat ve chauh ti ila kan sawi sual awm love.



Miura hi 2009 khan Crows Zero2 ah Tatsuya Bitō angin alo in lan tawh a, hei mai bakah hian Kimi ni Todoke, Tokyo Park leh The Eternal Zero tih te chu a film larzual te an ni. Tunah hian movie dang chan tur hmachhawp a nei nual bawk.

Haruma Miura hi a thih hian kum30 chauh a ni a , 2016 atanga November 2017 thleng choreographer Koharu Sugawara nen pawh an lo in date ve zak zak tawh a ni.

Columnist, Explore Mizoram

Remruati Blog - http://remruatihaylor.blogspot.com/

Post a Comment

0 Comments