COVID-19: Ramchhungah hri kai mek mi nuai 3.42 an awm - MoHFW

  • Enkawl dam tawh mi nuai 6.35 an awm a, enkawl dam hi an pung mek zel a ni.
  • Hri kai zing a 1% aia tlem Ventilator hmang a enkawl an ni a, 2% aia  tlem ICU a enkawl an awm a, 3% aia tem oxygen pek theihna khumah enkawl an ni.

Aizawl | July 17, 2020: Tundinhmun a ram chhung a COVID-19 case awm mek chu 3,42,756 a ni a. Hri kaitawh zawng zawng atangin dam tawh mi nuai 6.35 (63.33%) chuang an awm a ni.

India hi khawvel a mihring tam lama pahnihna a ni a, mihring billion 1.35 an awm mek a, maktaduai khat zelah case 727.4 awm ang a ni a. Khawvel dinhmun nena khaikhin chuan India ramah hian Europe ram tam tak aiin a let 4 atang a a let 8 in case a tlem zawk a ni.

India ramah maktaduai khat a mi 18.6 thi ang a chhut theih hi khawvel ram zinga a tlem ber pawl a ni. State/UT zawng zawngte nena thawhhona tha tak awm vanga in tin tlawhchhuak a survey neihte, contact tracing tinte, containment leh buffer zone a hrikai zawn hnathawhte, perimeter control activity-te, mi tam zawk test-te  kalpui theih anih bakah a hun taka natna kai hmuhchhuah annih thin avangin hri kaite rang taka hriatchhuah annih phah thin a. Hemi vang hian rang taka enkawlna pek annih theih phah bawk a ni.

India hian COVID-19 hri kai zing a - mild, moderate leh severe -te enkawl dan chungchangah standard care protocol mumal taka Ministry of Health & Family Welfare (MoHFW) hnuaia Clinical Management Protocol in a duan chu a zawm a. Clinical management strategy-te hi a hlawhtling hle a. Natna langchhuaklo (asymptomatic) leh mild case 80% dawn lai chu medical supervision hnuaiah in lama  inenkawl tura tih an ni a. Damlo zing a  moderate leh severe-te chu Dedicated COVID Hospital emaw Dedicated COVID Health Centre ah emaw enkawl an ni a. Damlo na lutuk lo leh natna langchhuaklote inlama inkhung hrang tura tih hian damdawiin lam phurrit tur a chhawk zangkhai a, damlo nazual deuhah inthlurbing theiin thihna thleng thei pawh a tlem phah a. Case awm zawng zawng a 1.94% aia tlem ICU a enkawl an ni a, 0.35% ventilator hmang a enkawl an awm a, 2.81% Oxygen khumah enkawl an ni.

Damdawiin a enkawl damlote'n inenkawlna tha an neih theihna atan rampum huapin medical infrastructure tih changtlun chhunzawm reng a ni a. Thawhhona tha tak avangin vawiin ni hian COVID-19 enkawlna atana COVID-19 damdawiin infrastructure te chu a tha tawh zawk hle a. Dedicated COVID Hospital 1383, Dedicated COVID Healthcare Centre 3107 leh COVID Care Centre 10382 a awm mek a. A zavaia belhkhawmin ICU khum 45,673 a awm a. State/UT zawng zawngah damdawiinah ventilator 21,848 thawndarh a ni tawh a. N95 mask leh PPE kit indaihlohna a awm lova. Sorkar laipui chuan State/UT/Central institution-te hnenah N95 mask nuai 235.58 leh PPE kit nuai 124.26 a pe a ni.

COVID-19 kaihhnawih technical issue, inkaihhruaina & advisory chungchang a thubelhchiandawl leh update hriat i duh chuan, khawngaihin https://www.mohfw.gov.in/ and @MoHFW_INDIA tlawh fo thin ang che.

COVID-19 chungchang a technical thil zawhna i neih chuan technicalquery.covid19@gov.in leh zawhna dangah ncov2019@gov.in leh @CovidIndiaSeva ah i zawhna thawn ang che.

COVID-19 chungchang hriat duh i neih chuan , khawngaihin  Ministry of Health & Family Welfare helpline no.: +91-11-23978046 or 1075 (Toll-free) be pawp ang che. List of helpline numbers of COVID-19 chungchang a States/UT-te helpline number list hi  https://www.mohfw.gov.in/pdf/coronvavirushelplinenumber.pdf ah pawh a awm a ni.

- PIB Aizawl

Post a Comment

0 Comments