Aizawl | July 2, 2020: Vawiin khan Zoram Medical College (ZMC) lab-ah sample 126 test result a negative a, positive thar 2 hmuhbelh a ni.
Positive hmuhchhuah tharte hi mipa pakhat leh hmeichhe pakhat niin kum 55 leh 56 an ni a, Aizawl leh Champhai District a cheng an ni tiin sawrkar thuchhuahin a tarlang.
Champhai District-a mi hi Myanmar atanga lo haw, Quarantine Centre-a awm niin, Aizawl District-a mi hi positive contact atanga kai niin home quarantine lai, symptom nei lo a ni.
Vawiina district hrang hranga sample test zat: Aizawl 75, Lunglei pakhat, Champhai pathum, Kolasib 48, Lawngtlai pakhat leh Mamit pakhat a ni.
Vawiin vek khan Lunglei atangin sample pakhat, truenat hmanga #COVID19 positive, confirm tura ZMC-a thawn pawh a positive tih finfiah a ni a. Hei hi positive hmuhchhuah thar ni loin, vei mek, sample endik nawn (retest) a ni.
Heti hian COVID19 positive 162 m tawhin enkawl dam tawh 126 an ni a, vei mek mi 36 an awm bawk a ni.
Post a Comment
He post chungchanga i ngaihdan lo sawi ve rawh: