Aizawl | July 10, 2020: Nimin khan Zoram Medical College (ZMC) lab-ah sample 333 test niin positive 22, Aizawl district vek hmuhchhuah a ni. An zinga pakhat hi hmeichhia kum 26, W.Bengal atanga lo haw a ni. A bak 21 hi hnam dang sipai (Lungverha awm NDRF 7 leh Zokhawsanga awm Assam Rifles 14), kum 27-51 inkar an ni.
District tin test dan: Aizawl-177, Lawngtlai-43, Mamit-51, Siaha-58 leh ZMC a enkawl mek-4.
Nimin khan Lunglei Civil Hospital TrueNAT laboratory-ah swab sample 22 test niin result a negative vek a ni. Result chhuak zingah hian BSF positive ten an dawr PC PHARMACY, Bazarveng leh Rahsiveng chawhmeh zuarte an tel.
BSF ho contact bakah hian Lawngtlai district a positive-ten an bike ke an siamtirna hmuna thawk te pawh nimin test ah hian an negative bawk a ni.
Hri vei mek hi 82 an ni a, dam tawh 143 niin, an vaiin 225 an ni. Mipa 136 niin, hmeichhia 89 an ni bawk.
Post a Comment
He post chungchanga i ngaihdan lo sawi ve rawh: