Aatmanirbhar Bharat App Innovative Challenge a tel turin PM in tech. lama tui mite a sawm

Aizawl | July 5, 2020: Prime Minister Pu Narendra Modi chuan Aatmannirbhar Bharat App Innovation Challenge a tel turin technology lam a tui mite / tech community te chu a sawm a.

LinkedIn kaltlang a thuchhuah / post siamah Prime Minister chuan India rama tech lama theihna leh start-up ecosystem chungchang sawilangin thalaite chu sector hrang hrang a tech solution pe tu an ni a ti a. Start-up leh tech ecosystem ah te thil thar siam chhuak turte, hmasawnna thlen turte leh tualchhung apps siam tilar tur a phurna nasa tak a awm thusawiin kan ramin Aatmanirbhar Bharat siam tuma hmalakna a kalpui mek lai a tualchhung a hralh kal tur leh khawvel hmun dangte siam elpha tur apps siamchhuak tura hun tha leh kawng inkawhhmuh hun tak a ni a ti.

Hemi ngaihtuah chung hian Ministry of Electronics & Information Technology chuan Atal Innovation Mission nen tangkawpin Aatmanirbhar Bharat App Innovation challenge an buatsaih dawn a. Hei hi thuang hnih - apps awmsa tihlar leh apps thar siamchhuah ang zawng  a kalpui tur a ni dawn a. He inelna hi  huang zau thei zawk turin  Sorkar leh tech community member-te'n an inthlen tawm dawn a ni. 

Apps leh platform awmsate tihlarna atan leh e-learning, work-from-home, gaming, sumdawnna, entertainment, office utility-te leh social networking category atan Sorkar chuan mentoring, inkaihhruaina leh support a pe dawn a. Track-01 chu mission mode a kalpui a ni ang a, leader-board tur atan apps quality tha zawngin thla khat chhung vel a zawh a ni dawn a. Apps leh platform thar siamah chuan Track-02 hmalakna chu India rama champion thar thlan chhuah ang zawngin kalpui a ni ang a, ngaihtuahna thar, rawtna, prototyping leh roll out bakah inhralhna tur kawng inkawhhmuh ang zawngin inpuih a ni ang.

He challenge in a tum ber chu apps awmsate tana an tum tihlawhtling tura kawng tha  leh mumal zawk kawhhmuhte; inkaihhruaina hnuaia tech product hmang a tech lama harsatna sutkianna tur siam chhuahte, life-cycle chhungzawng a tech support leh inkaihhruaina pekte a nih thu Prime Minister chuan a ziak a ni. 

Prime Minister chuan ruahmanna a neihte tarlangin technology hmanga hmanlai Indian game-te tihlar theih anih leh nih loh zawtin chhawmdawl ngaia awm mekte tana tangkai tur apps siam chhuah theih anih leh nihloh te; kum bithliah hrang hrangte  an kum mil tur zirna, gaming leh a dangah te apps siam anih theih leh theihloh chungchangah te zawhna a zawt a. Tech community chu Aatmanirbhar App siam inelna a tel ngei turin a sawm a ni.

*****

PIB Aizawl