Union Minister of Jal Shakti in Mizoram a Jal Jeevan Mission chak zawk a kalpui tura ngenna CM hnenah ziakin a pe

Aizawl | June 23, 2020: Union Minister if Jal Shakti, Pu Gajendra Singh Shekhawat chuan Mizoram Chief Minister hnenah ziak a lehkhathawnin State a  Jal Jeevan Mission (JJM) hmalakna muang lutuk chu ngaihmawh awm a tih thu a sawi a. Prime Minister Pu Narendra Modi-a'n nikum Independence Day a thu a sawiah hmalakna hi a  puan hnuah JJM hi State te chuan an kalpui tan a. He hmalakna hnuaiah hian kum 2024 ral hmaa thingtlang in zawng zawngah Funtional Household Tap Connections (FHTCs)/ tui connection hmang a tuipek tum a ni a.  He Mission hi thingtlang khua a cheng hmeichhiate a bik takin hmeichhe naupangte himna leh zahawmna vawnhimna atana ruahman a ni.

Hun bithliah chhung a JJM thiltum tihlawhtling tura rauhmanna fel fai tak a ngaih thusawiin tuna water supply system awmsate fit tha a, tap connection la neilo chhungkuate hnena pe thei tura thuam that lam ngaih pawimawh a tul thu Jal Shakti Minister chuan a sawi a. Mizoram CM chu 'campaign mode'  ang a State chhung a piped water supply scheme nei ang a report khaw 655 ah rang taka hma la turin a hrilh a. Aspirational district a khuate, SC/ST hlang khua leh an tamna khuate leh Sansas Adarsh Gram Yojana in a tuam khuate chu ngaih pawimawh ber tur an ni a ti.

Pu Shekhawat-a chuan Jal Jeevan Mission hnuaiah hian fund-te hi Sorkar laipuiin an tum a nih thu sawilangin chhungkua tap connection pek zat leh fund awmte hman a nih dan (utilization) behchhanin pek a ni a ti a. Kum 2019-20 chhung a chhungkua tap connection pek tura ruahman 23,525 atangin chhungkua 15,878 hnenah tap connection hi pek a ni a. Kum 2019-20 chhung atan Mizoram hi cheng vaibelchhe 39.87 ruahman sak anih bakah performance grant a zavaiin cheng vaibelchhe 68.05 pek a ni a. Hemi atang hian State hian cheng vaibelchhe 37.41 chauh a hmang a, hman lohin cheng vaibelchhe 30.78 a awm a ni. Mizoram chan tur hi kum 2020-21 chhung atan cheng vaibelchhe 79.30 a tihsang a ni a, pawisa hman ban (opening balance) cheng vaibelchhe 30.78 nen Mizoram hian cheng vaibelchhe 110.08 central fund hi a nei tihna a ni a. State matching share nen chuan Mizoram hian JJM hmalakna atan hian kum 2020-21 chhung atan cheng vaibelchhe 122.30 a nei a ni. Central Minister chuan thingtlang mite hnena an inchhunga tui pek hi sorkar laipuiin a ngai pawimawh hle anih tih thusawiin State sorkar hian hun tiam chhung a  hmalakna hi tipuitling turin hma a la tur a ni a ti.

Water supply system rintlak leh tlo nei tura tui hna pawimawhna sawiin Union Minister chuan water supply system chenfakawm leh rintlak nei turin tui hna humhalh leh enkawl that a pawimawh thu a sawi a. Ruahmanna hi village level-ah siam tur a ni a, khawtina Village Action Plan (VAP) chu  programme hrang hrang - MGNREGS, SBM, PRI-te tana 15th Finance Commission Grants, CAMPA funds, District Mineral Development Fund, Local Area Development Fund leh a dangte atang a resource awm thei ang ang fawm khawm a siam tur a ni a. Hemi bakah hian local village community/Gram Panchayats leh/ user group te chu khawchhung a water supply system  ruahmanna siam (planning), ruahmanna kalpui (implementation), a enkawl (management), operation leh maintenance ah te inhnamhnawih a, kutthawh tir ngei tur an ni a. Hetiang a hmalakna avang hian drinking water (tui thianghlim intlak) security nakin zel a tan a innghahna tlak a awmtir thei dawn a. Jal Jeevan Mission hi mipui/people's movement ang tak tak a siam turin  khawtinah IEC campaign leh khawtlang mipuite tithatho thei tura hmalak a ngai a ni.

Kum 2020-21 chhungin Mizoram hian PRI-te tana 15th Finance Commission Grants angin cheng vaibelchhe 93 a chang a. Hemi atang a 50% hi water supply & sanitation lam atana hman ngei ngei tur a ni a. Swachh Bharat Mission (G) hnuaia fund te pawh grey water treatment leh reuse works lam atana hman tur a tih a ni.

Covid-19 hripui leng avang hian  vantlang hmun (stand-post)/vantlang tuikhur (public water source) ah te mi tam tak an awm khawmloh a pawimawh hle a. Hetiang boruak karah hian Mizoram CM chu khaw tinah water supply siam hnathawk a in tina tap connection pe tura ngen a ni a, hei hian a takin social distancing kalpui a tiawlsam dawn a, chubakah chuan khaw mipui tan hna siamsakin rural economy a pui dawn a ni.

Jal Shakti Minister chuan Mizoram CM chu December, 2022 ral hma a Mizoram '100% FHTCs State' /in tina tui connection awm vekna State a siam turin a tawp thleng a puih a inhuam thu a hrilh a. Mizoram CM chu JJM atana ruahmanna leh a kalpui dan tur sawi dun a video conferencing hmang a  inkawmna neihpui a tum thu pawh a sawi bawk a ni.

*****

- PIB Aizawl