Aizawl | June 25, 2020: Kolasib district Border Safety Monitoring Team leh VLTF te ruahmanna in ramri hrula duty turin Thingdawl Venglai YMA Branch leh Kolasib Electric Veng YMA Branch member ten vawiin khan ramri an pan.
Duty turte hi Kolasib District Bawrsap Dr H Lalthlangliana, chuan Kolasib DC Office tualzawl atangin a vailiam.
Thingdawl Venglai Branch YMA atang hian ramri veng tur mi 12 an in pe a, anni hian Saihapui ‘K’ ah an duty ang a. Kolasib Electric Veng YMA Branch atang hian duty tur mi 24 an ni a. Phaisen leh a chhehvel ah an duty dawn a ni. Duty tur a chhuak te hi an vaiin mi 36 an ni a. Ni 25.05.2020 atanga 30.05.2020 thleng an duty dawn a ni.
Bawrhsap chuan, Mizoram COVID-19 hripui laka kan him theih nan a mi in pe tak tak an la awm thei zel chu a thlamuanthlak in a ropui hle a ni, a ti a. Kolasib Sub-Headquarters YMA Fin. Secy. Pu R. Lalramchhana’n a bik taka flag a siam hmangin Kolasib Bawrhsap chuan duty turte hi a vailiam a ni.
Post a Comment
He post chungchanga i ngaihdan lo sawi ve rawh: