SCORPIONS| UNDER THE SAME SUN


Kan tunlai COVID - 19 atalang hian ngaihtuahna mak pui pui leh mak vak lo deuh te ka neih phah a. A changin thil intuha lo pui pui te ka inhnêkrem tir a,a chang leh thil intuahrem ṭha sa ka insaikalh tir thul. A chang leh suangtuahna in Germany ah te ka leng a, East leh West Germany 'in ui leh ar' lai a Berlin Wall thui chhah zet an hung zui te kha ka zu zut vel a,Zoram buai lai thim chhah dan tur te ka ngaihtuah chhuak ta dah a. German tlangval chuai thei lo hranghlui zaithiam Clause Mein-a,"under the same sun" te ka ngaihtuah kai a. A zai leh music inchawih mawi lutuk ṭhin leh hla kar laka guitar solo sei uchuak lo,tawk chauh a an zeh ṭial dan te,eng part changtu pawhin a mawi tawk a show off-na chance an neih ṭheuh danah an Band combination ṭhat tur zia leh 'GNR' te ang a innghirngho reng chu an ni lo ang tih nen lam. Kan tunlai hripui boruak nen te hian ka sawi tawh ang khan rem lo chung chungin ka hmehbel vel a. K'u Muanga style in men san vak ai chuan men hniam ruih policy ka apply a,ka ṭhu pûk deuh dui a,a nuam hrehawm dangdai ve hrim hrim.




Parawl inchhung ang mai a ngaihtuahna hnawk vir nuaih nuaih chuan hmeichhe nau vei ang maiin mi tur ut ut a,a tawp a tawpah chuan pian fel then, hmelchhe deuh hian ka hring ve leh nge nge ṭhin. A thuhrimah,nuam hrehawm deuh hi a nuam zawk. :-D .

Lut teh ang.
Ni dang ang bawkin tûk thar ka hmu a,mahse chalchang au ri rawih te ka hria a,mi tlusawp lai te ka hmu a,tumah reng awrawl chhuah ngam an awm lo. Chengrang rawl chuan chu ni thar chu a tichhuak khawlo zo vek atin ni(covid-19 ang deuh hian).
I saw the morning,
It was shattered by a gun,
Heard a scream,saw him fall
No one cried.

Nu,hmangaihna vawrtawpin a fapa tan lungrun taka a ngen lai ka hmu leh a,'lo kir tir leh hram rawh u,zuah u la,fam tir lul suh u' ti te(Pathian mi ten covid-19 laka ram mipui te himna tur a an ngen ang khan).
I saw a mother
She was praying for her son
Bring him back,let him live,
Don't let him die.

Vanah khian Vanram hi a awm tak tak ang em le tih te hi nangmah leh nangmah pawh hi i inzawt ve fo ṭhin em,eng kan ti nge kan pawm mai theih ṭhin loh le?
Do you ever ask yourself
Is there a Heaven in the sky
Why can't we get it right?

Ni thuhmun ring si,Chhawrthlapui pakhat thlir ho,Van hnuaia leng ṭheuh ṭheuh si hi,eng kan ti nge unau hmel kan inhai luih tlat le?
Cause we all live under the same sun,we all walk under the same moon. Then why,why can't we live as one?

Tlai Ni tla tur hnim ruih ka hmu leh a,hlimthla ang mai a hringmi mal mal an ral lai nen chuan. Nachhawkna zawng mangang in inhlanna thar nen khawnvar eng hmaah ṭhingṭhi in kan ṭawngṭai a(covid-19 vang paw'n)
Naupang lainatawm tak,nu te pawnfen pawt rual,chu ni pumpelh thei bik lo,vanduai Ni in a rawn herpui te ka hmu leh a. An mittui hru lai te,an hliam thitling te,fam an chan zui dan thlengin.(C-19 vang paw'n)
I saw the evening,fading shadows one by one,We watch the lamb,lay down to sacrifice.
I saw the children,children of the sun,how they wept,how they bled,how they die.

Heti ang lam thu ringawt ka ngaihtuah chang hi chuan â mai dawn te hian ka inhria a,kan neih zawng zawng kan chan mek chung pawha tumahin barah an khawn lo hmel ka hmuh te hian ka bing mup mup ṭhin.
Mahse ka thinlung chuan,siamṭhat leh kan ngai a ni,khawvelah hian nasa lehzuala hmangaihna kan lantir loh chuan a inthlak ngai dawn lo tih min hrilh nawn tluk tluk a.
Sometimes,i think i'm going mad,we're loosing all we had and no one seems to care. But in my heart it doesn't change,we've got to rearrange and bring our world some love.

Chuti ang a kan tih theih ngat chuan,Vanram pawh chu lo awm ta tehreng se,he lei hi chu hmun ai chuan a lêm chuang bik dawn em ni?
And does it really matter
If there's a heaven up above
We sure could use some love

Ni thuhmun ring si,Chhawrthlapui pakhat thlir ho,Van hnuaia leng ṭheuh ṭheuh si hi,eng kan ti nge unau hmel kan la hai luih tlat le?
Van hnuai leichina leng ṭheuh ṭheuh,Si-ar ngai thlir ṭheuh ṭheuh si hi,min hrilh teh,eng kan ti nge unau hmel kan la hai cheu?
Cz we all live under the same sky,
We all look up at the same stars,
THEN WHY,TELL ME WHY CAN'T WE LIVE AS ONE.

Post a Comment

0 Comments