R Vanhne VO ten Lawngtlai quarantine centre-ah thlai an pe

Lawngtlai | June 2, 2020: MzSRLM, Lawngtlai RD Block hnuaia R. Vanhne Village Organisation (VO) te chuan Lawngtlaia Quarantine Centre hrang hranga khung hrante chawhmeh atan an hnuaia self help group-te thawh khawm thlai thar chi hrang hrang chu Block Mission Director (BMD)/BDO Pu Lalremruata Sailo kal tlangin vawiin khan District Level Task Force (DLTF) kutah an hlan.


R. Vanhne VO, MzSRLM hnuaiah hian self help group (SHG) 7 an awm mek a, member tinin ei zawnna ngelnghet an neih theih nan MzSRLM atangin CIF (community investment fund) pawh pek chhuah mek an ni.

 

R. Vanhne VO te'n Lawngtlai quarantine facility-a khung hran mekte chawhmeh atana an pek hi khanghu tel 70, antam tel 50, maian tel 37, phuihnam tel 31, mautuai tel 5, anthur tel 9, bawkbawn kg 10, bean kg 6, tumbu ip 1 leh theihai ip 1 a ni.

Lawngtlaia quarantine centre hrang hranga awm mekte leh a enkawltute tan hian tlawmngai pawl hrang hrang leh mimal thahnem ngaite'n chawhmeh, mask leh mamawh dang an pek thin avangin DLTF chuan lawm thu a sawi a ni.

Post a Comment

0 Comments