PMMY hnuaia Shishu Loan la te tan thla 12 chhung 2% interest subvention; Loan rul tha te zirchiang dawn

Aizawl | June 25, 2020: Union Cabinet, Prime Minister Narendra Modi hova nimin-a thukhawm chuan Pradhan Mantri Mudra Yojana (PMMY) hnuaia sushi loan la te tan 2% interest subvention thla 12 chhung turin a rel.

He ruahmanna hi heng loan la te tana tih hi a ni: outstanding as on 31st March, 2020; and not in Non-Performing Asset (NPA) category, as per Reserve Bank of India (RBI) guidelines, on 31st March 2020 leh he scheme kalpui hun chhunga a zirin.

Interest subvention hi NPA category-a awm lo tan thla tin pek an ni ang. He ruahmanna atang hian loan rul tha te a hriat theih dawn a ni.

He ruahmanna atan hian sawrkar chuan Rs 1542 crore a seng dawn a ni.

MSME hnuaia Atma Nirbhar Bharat Abhiyan hnuaiah kalpui tur a ni. PMMY hnuaia loan Rs 50,0000 la te hi Shishu loan chu a ni a. PMMY Loan te hi bank bakah Member Lending Institutions viz. Scheduled Commercial Banks, Non Banking Finance Companies leh Micro Financial Institutions, registered with Mudra Ltd ten an pe thei ang.

COVID 19 avanga harsatna hrang hrang thleng zingah hian micro leh small enterprise-a a nghawng hi a na hle a, a tam zawk te chu Shishu Mudra loan-a bultan te an ni. An sumdawnna kalpui theih anih loh avang hian loan rulhna ah harsatna an tawk a, chungte chu sawrkar hian sutkian sak a tum a ni.

March 31st 2020 thleng khan mi 9.37 crore ten Shishu loan hi an la tawh a, a vaiin Rs 1.62 lakh crore a tlin ani.

He ruahmanna hi Small Industries Development Bank of India (SIDBI) in thla 12 chhung an enkawl ang.

Pawisa puk tute chu RBI in 'COVID 19 Regulayoty Package' a siam ang milin kalpui an ni anga. September 1st 2020 atanga August 31, 2021 thleng kalpui tur ani a. Pawisa puk duh te tan June 1st 2020 atanga May 31 2021 thleng hun hawn a ni.

He ruahmanna hi tunlai buaina avanga sumdawng harsatna tawkte tana siam a ni a, an tan hian sawrkar in theih tawp chhuah a tum a ni.

Kan ramin harsatna kan tawh laia hetianga hmalakna hian kan economy ah rah tha tak a chhuah beisei a ni a, employment generation a thlen ngei bawk ang.