PM chuan Commercial mining atan lungalhthei laihchhuah phalna/Coal blocks lilamna a hawng

India chuan thuthlukna lian tham tak siamin inelna, sum tam zawk hailuhna hnar, thahnemngaihna  leh technology ngaihtuah chungin coal leh minining sector chu zalenna pumhlum a pe ta a ni:PM

Coal sector reforms hian India ram chhak lam leh laili lai, tlang mite bitna hmun chu hmasawnna ban pawimawh atan a siam dawn a ni: PM

Intodelhna hi mining leh mineral sector te tello chuan thil theih a nilo: PM

Aizawl | June 19, 2020: Prime Minister Pu Narendra Modi chuan nimin khan video conference hmangin commercial mining atan a hmun 41 a lungalhthei laihchhuah phalna /coal block lilamna a hawng a.  Hei hi Sorkar laipuiin AatmaNirbhar Bharat Abhiyan hnuai a ruahmanna a puan zing a mi a ni a.  Coal Ministry chuan FICCI nena tangkawpin lungalhthei laihchhuahna hmun/coal mine  lilamna hun hi an buatsaih a. Hemi atan hian electronic auction process stage hnih an hmang a ni. 

He hunah hian thusawiin Pu Narendra Modi chuan COVID-19 hripui leng hi India chuan a hnehin he hun harsa kan hmachhawn hi kawng thar zawnna atan kan ram hian a hmang dawn a ni a ti a. He hun harsa hian India ram chu AatmaNirbhar/intodelhna kawng a kawhhmuh a ni tiin AatmaNirbhar Bharat awmzia chu lakluh lam titlem a, lakluhna atana ramdang pawisa hman tihtlem a ni a ti a. Hemi atan hian lakluh a inghat lo turin India ram chhung a siamchhuah tam a ngaih thusawiin tuna kan lakluh mek bungruate hi a siamchhuak tu tam ber nih pawh a ngai tawh dawn a ni a ti.

Hemi tihlawhtling tur hian sector mal tin, product zawng zawng leh service zawng zawng te chuan an hmazawn teuhah India ram intodelh a siam tumna rilru pu chung a hna an thawh a ngai dawn a ni PM chuan a ti a.  Nimina hmalakna lian tham siam hian energy sector ah India ram chu intodelhin a awm tir dawn a. Coal Mining sector a ruahmanna thar kalpui ang chauh a ngaih tur anih loh thusawiin thalaite tan hnathawh tur nuai tam tak a siam  tel dawn a ni a ti a. Nimin a hun hman hi commercial coal mining lilamna mai chauh nilovin kum tam tak chhung kharkhip a lo awm tawh coal sector tih zalenna ni pawh a ni a ti.  

India ram chu khawvel a lungalhthei nei tam ber palina leh producer lian ber dawttu a ni chungin ramdang atang a laluttu (importer) lian ber dawttu a nih thusawiin hetiang dinhmunah hian kum tam tak chhung kan lo awm tawh a, coal sector hi Captive leh Non Captive mine-te kalpui dan buaichuar tak hnuaiah a awm thin a ni a ti a. He sector hi inelna huang pawn lamah dah thin a nih thusawiin langtlang taka kalpui a ni ngai lova, hei hian harsatna tam tak a thlen a ni a ti a. Hemi vang hian coal sector hian investment a nei meuh lova, a inrelbawl dan pawh a rinhlehawm hial a ni a ti. 

Prime Minister chuan kum 2014 khan coal sector tichak turin coal linkage siam anih thusawiin India chuan coal leh mining sector hi zalenna famkim pe turin thuthlukna lian tham tak a siam a ni a ti a. Hei hian inelna, sum hailuh, thahnemngaihna leh technology lamah hmasawnna a thlen dawn a ni tiin  mining sector luhchilh thar tute’n sum lama harsatna an tawhlohna atan ruahmanna fimkhur taka kalpui nise tha a tih thu a sawi a. Mining leh mineral sector chak tak tel lovin kan ram hi a intodelh theihloh tur thusawiin kan economy innghahna lungphum pawimawh tak pahnih an ni a ti. 

Prime Minister chuan heng reform-te hi tihpuitlin annih hunah chuan coal production leh coal sector pumpui hi a intodelh thei tawh dawn a. Tunah hian lungalhthei hralh chhuahna tur market hawn a ni ta a, eng sector pawhin an mamawh angin lungalhthei hi an lei thei tawh dawn a ni a ti. PM chuan heng reform-te hi coal sector chauhin an chhawr tangkai dawn lova sector dang - Steel, Aluminium, Fertilizers leh Cement-te pawhin an chhawr theih tur thusawiin power siamchhuah pawh a pun pha dawn a ni a ti. 

PM chuan minerals sector a reform-te’n coal mining reform-te an chhawr theih tur thusawiin iron, bauxite leh mineral thenkhat dangte chu coal reserves bul hnai a awm an ni a ti a. Vawiin a commercial coal mining lilam tan hi stakeholder industry zawng zawngte tana hlawkpui tur awm vek a ni tiin State sorkar-te’n sum an hailuh belh ang a, ram mipuite tan hna tau a tet ang a, sector tin tan a tha zawngin nghawng a nei dawn a ni a ti. 

Coal reforms kalpui tur hian India ramin a ngaih pawimawh em em environment tan a chhe zawng a nghawng a neih lohnan hmalak anih tur thu PM chuan a sawi a. “Technology thar ber hmangin lungalhthei atangin gas siam a ni ang a, coal gastification leh thildang hmangin environment venhim dawn a.  Coal gas chu transport leh eirawngbawlna atana hman a ni ang a, Urea leh steel –te chu manufacturing industry lamah hman an ni thung ang”  a ti a. Prime Minister chuan Sorkarin kum 2030 ral hma a lungalhthei ton maktaduai 100 vel gas a siam chhuah a tum thusawiin hemi atan hian project pali thlan chhuah anih tawh thu leh cheng vaibelchhe sang 20 ruahman a nih thu a sawi a ni.

Prime Minister chuan heng coal sector reform-te hian India ram chhaklam leh laili lai tlang mite bitna hmunte chu hmasawnna ban pawimawh takah a chantir dawn a ni tiin heng hmunte hian Aspirational district tam tak a huam a, tun hma chuan heng hmunah te hian hmasawnna leh dehchhuah duhkhawp hmu tur a la awm ngai lo a ni a ti a.  Kan ram a aspirational district zing a 16 ah  lungalhthei a awm tam thusawiin heng hmun a chengte hian anih tur angin an la chhawr mumal thei lova, chuvang chuan helai hmun a michengte hi khawpui hla takah te hnathawh tur zawng a an pem a ngai thin a ni a ti. 

Prime Minister chuan commercial mining atana hmalakna kalpui hi India ram chhaklam leh laili te tan a tangkai hle dawn a ni tiin helai hmun a michengte hian an inbul hnaiahte hnathawh tur an neih theih phah dawn a;  Sorkar chuan lungalhthei laihchhuah leh transportation kaihhnawih infrastructure dinna atan cheng vaibelchhe sang 50 hman a rem ti a, hei hian hna thar tam tak a siambelh dawn a ni a ti.

Prime Minister chuan coal sector a reform leh investment-te chuan tlang mite tan khawsak awlsam zawkna a thlen tur thusawiin  coal production atang a sum hailuh belhte chu a ram bial chhung a public welfare sheme atana hman a nih tur thu a sawi lang a. State-te chuan District Mineral Fund atang a chhawmdawlna an dawn chhunzawm tur thusawiin a tam zawk chu a chhehvel ram huam chhung a hmasawnna hnathawhna atana hman anih tur thu a sawi a ni.

Prime Minister chuan economy in ngai a awh chhoh leh mek laiin auction hi neih anih thusawiin consumption leh demand te pawhin Covid-19 hrilen hma dinhmun an pha chho leh tan mek  a ni a ti a. Covid-19 hrilen hma  demand dinhmun pha chho leh tan mek sector te sawi langin power consumption, petroleum product-te, E way bills, Toll collection, Railway freight traffic leh digital retail transaction-te chuan ngai an awh leh tan tawh a ni a ti. 

Rural economy pawhin hma a sawn leh tan tawh thusawiin  Kharif cultivation hnuaia thlai chinna hmun leh wheat thar chhuah-te’n kumin hian hma an sawn thu a sawi a. Hemi awmzia chu loneitute kutah sum tam zawk a lut dawn a ni tiin heng zawng zawngte hian Indian economy chuan hmasawnin hmalam a pan tih a entir a ni a ti. 

Prime Minister chuan  tun hma pawhin India chuan hun harsa zawk a paltlang tawh thin thusawiin tun a harsatna pawh hian a kiansan thuai a beisei thu a tarlang a. PM chuan India ram chu AatmaNirbhar a nih theih ngei a rinnghet tlat thusawiin India tan hmasawnna leh hlawhtlinna a awm ngei dawn a ni a ti a. Kar rei vak lo kalta a N-95 mask te, Corona testing kit te, PPE te leh ventilator te kan mamawh dan leh ramdang atang a kan chawk luh dante sawilangin  tunah chuan Make in India hmalakna in kan mamawh ang kan siamchhuak ve tawh a ni a ti a. Hemi zulzui hian damdawi bungraw thawnchhuaktu pawimawh tak kan nih chhoh thuai a rinnghet tlat thusawiin Aatmanirbhar Bharat siam turin ngaihtuahna thar neia rilru siam turin mipuite chu a ngen a ni. 

***

- PIB Aizawl