Mizoram-ah COVID 19 vei pakhat hmuh belh; an vaiin 13 an ni tawh

Aizawl | June 3, 2020: Nizan zan rei tawh lamah khan COVID-19 positive case pakhat ZMC lab-ah hmuh belh a ni. 

Covid-19 vei hmuhchhuah thar hi Delhi atanga May 31 a lo haw mipa kum 30 a upa, Aizawl a cheng ni a, quarantine centre-a a awm laia khawsik a neih avangin ZMC-ah hian dah luh sa a ni.

A swab sample test result a positive a. 

Heti hian tunhnai-ah, nimin piah zan lamah 12 hmuhchhuah tawh nen Mizoram-ah COVID 19 vei mi 13 hmuhchhuah an ni tawh.

Mizoram-a COVID 19 vei hmuhchhuah hmasa ber chu March 24 zan khan hmuhchhuah niin, a ni hi Pastor a ni a, ZMC ah thla khat chuang enkawl a nih hnuin hmanni lawk khan dam takin a chhuak a ni.

Mizoram COVID 19 vei hmuhchhuah hmasa ber hi March 25 khan Health minister Dr R Lalthangliana chuan thutharthehdarhtute kawmin a puangzar a ni.