MINUTE 40 CHHUNG TRUMP-AN MODI A BIA : G7 TEL TURIN A SAWM

Aizawl |June 03, 2020: Donald Trump-an G7 tihlen a duh chungchang a sawi a, ram pawimawh zual țhenkhat sengluh a duh thu a sawi hnu ni tam pawh a la vei hmain US President chuan nimin Thawhlehni khan  Prime Minister Narendra Modi chu telephone-in a rawn bia. Minute 40 chhung zet an inbiak chhung hian thil tam tak an sawi dun a, thla leha he pawl meeting (G7 summit thlir lawkna) United States a awm tura tel turin a sawm.


Minute 40 chhung vel  President Trump leh PM Modi te phone hmanga an inbiaknaah hian an thil sawi zingah India-China ramria an inngur chungchang te, World Health Organisation  siam țhat leh țhuahfai chungchang te leh thil pawimawh hrang hrang an sawi dun tih Prime Minister’s Office thu chhuah chuan a sawi.


 Ram hruaitu pahnih te hian thla hmasa lama
China sipai PLA (People’s Liberation Army) ten India nena ram ri LAC  (Line of Actual Control  Naku La area te,  north Sikkim, Galwan area hmun thumah te, Pangong Tso, Ladakh sector lama ram ri kana an khawsak dan te, an ngaihdan te an sawi .


World Health Organisation tuna a kal dan țha an tih loh chungchang bakah siam țhat ngei țul an tih thu te,   WHO siam țha tura ngaih dan zau tak, nger zawng a neih a rem loh thu te an sawi. US President Donald Trump  hian WHO chu an insiam țha anih loh chuan chhuahsan vang vang atan a vau reng bawk a,  PM Modi thung erawh chuan WHO India a awm lai ngeia a chhung ațanga siam țha tura nasa taka nawr a duh thu a sawi.


PM Modi chuan US ram chhunga buaina chhuak chungchang chu pawi a tih thu leh rang taka hmetmit tura duhsak thu a sawi bawk. 


" Phone-a inbiaknaah hian tunlai boruak hrang hrang ram pahnih hruaitute hian an sawi duna, COVID-19 pandemic  hnu lama Khawvel awm dan tur te leh India leh United States  inlaichinna erawh chu eng thil mahin a tih chhiat loh tur thu leh a nghet țha reng a ni, " tih thu an sawi dun top government functionary  chuan a sawi. 


“ Indo-US  inlaichinna hi India ram chanchinah a țhat ber lai a ni," tih  official chuan a sawi .


"Prime Minister of India in US tualchhung buaina  (civil disturbances) chungchang a sawi leh President chu he buaina țha taka chingfel tura a duh thu leh hetiang buaina hmet mit tura US President a rintlakzia leh a rin thu a hrilh te, US President in Indian Prime Minister hnenah ram ri buaina chungchang a ngaih pawimawh thu phone hmanga a rawn sawi bawk a. Hei hian ram pahnih inkar boruak țhat zia a ti lang a ni, "  tih thu official chuan a tar lang. 


Donald Trump hian  India chu  G-7 a tel tura sawm a duh thu Inrinni khan a lo sawi tawh a, hemi thu a sawinaah hian ram  pasarih ringawt mai intelkhawm chu tlem lutuk a tih thu leh huang zauh loa rei tak awm chu țha a tih loh thu te, ram țhenkhat phei chu ram  hmasawn ber te pawh an ni mahse huang zauh belh loh reng chu "a țhing tawh" nia a hriat thu leh he pawl hi tihlen a ram 10/11 awm se,  “G-10 or G-11” ni mai se, India, Australia, South Korea leh  Russia telh belh a duh thu a sawi. 


“ Australia kan duh,  India kan duh, South Korea pawh. Tichuan Group țha tak ram awmna a ni ngei ang. ” G7 summit September or November thlaa US a awm turah heng ram te hi sawm an nih tur thu a sawi hmawr hmuh bawk.


Prime Minister Modi pawhin President Trump chu thil thui tak thlir lawk thiam  leh chumi hma chhawn tura ruahmanna   țha tak nei a tih bakah a hma thlirna pawh a pawmpui thu a sawi a, G7 ram tihlen chu khawvel hun tawn hian a ken tel thu leh COVID-19 hnu lam boruak hei hian thui tak a hril tur thu a sawi bawk.  PM Modi chuan India chuan US nen hnai taka thawh dun a duha, lawmawm kan ti bawk a, ram dang te pawhin he summit thar rawtna ti hlawhtling ngei se a duh thu a sawi.


Tuna  G-7 ram ni mek te chu : the United States, the United Kingdom, France, Germany, Italy, Canada and Japan. India ram hi he pawl aia huamzau zawk G-20 ah a tel a ni. Amaherawhchu, US President rawtna anga G7 member thar lakluh a nih chuan Khawvel ram ropui ber ber te nen huang khatah a awm thei dawn a ni.

Source :
Hindustan Times
June 02, 2020
22:59 IST

===03==06==20===
- Huna Kawlvawm

Post a Comment

0 Comments