MHA in Unlock 2 atan inkaihhruaina thar a tichhuak; Containment Zone pawn lam atan phalna a hawn zau belh

• Unlock 2 hian Containment Zone pawn lam atan phalna a hawn zau belh a, Containment Zone chhungah chuan inkharkhip khauh taka kalpui a ni ang.

Aizawl | June 30, 2020: Union Ministry of Home Affairs (MHA) chuan nimin khan Unlock 2 atan inkaihhruaina thar a tichhuak a. Containment Zone pawn lamah chuan thil tihphal hawn zau belh a ni. He inkaihhruaina thar ni July ni 1, 2020  atang a hman tan tur a ni a. Thiltih phalte hawn zau belh niin inkaihhruaina thar vawiin a tihchhuah hi State leh UT atang a rawtna leh Central Ministry-te leh Department-te nena inrawnkhawmna neih behchhan a siam a ni. 

Unlock 1 kalpui dan tur order leh guidelines ni 30.05.2020 a tihchhuah hnuai a thil hrang hrang - mipui tana sakhaw hmun leh inkhawmnate; hotel, restaurants leh khawlchhawnna hmun dangte; leh shopping mall-te chu Containment Zone pawn lamah chuan June ni 8, 2020 khan hawn phal an lo ni tawh a. Hemi atan hian standard operating procedures (SOPs) kimchang pawh tihchhuah a lo ni tawh a ni.

Unlock 2 inkaihhruaina thar

Domestic flight-te leh passenger phur Rel/train-te chu inkhuahkhirhna hnuaiah phal an ni tawh a. Phalna hi inkaihhruaina mumal tak hnuaiah hawn zau belh a ni ang.

Zanlam curfew pawh a hun chhung titawi a ni ang a, curfew hi zan dar 10:00 atanga zing dar 5:00 thleng kalpui a ni dawn a. Hemi bakah hian industrial unit a hnathawh a khaihlaklohna atan zanlam curfew hi thlah dul a ni ang a, thawktu inthlak, tul bik a mipui veivak leh National leh State kawngpui/Highways a bungraw phur veivak, bungraw load leh unload te; bus, train leh thlawhna atanga mahni in lampan a chhukte'n harsatna an tawhlohna atan inhriatthiamna leh ngaihhnathiamna a awm dawn a. Dawrte pawh an awmna hmun a zirin  dawr chhungah a rualin mi 5 aia tam pawh luh phal sak an ni ang a. Amaherawh chu physical distance an maintain tur a ni ang. Central leh State Sorkar hnuai a training institution-te chu July ni 15, 2020 atanga hawn tura ruahman a ni a. Hemi chungchang a SOP chu Department of Personnel and Training, Government of India in a tichhuak ang. 

State leh UT-te nena inbiakrawnna zau taka neih anih hnuah school, college leh coaching institution-te chu July ni 31, 2020 thleng khar chhunzawm tura thuthlukna siam a ni. 

Vande Bharat mission hnuaiah passenger tana international air travel chu tlem a zawng khuahkhirhna nen phal a ni a. Kalphung mumal tak nen hawn zau belh tura ruahmanna siam a ni. 

Containment zone pawnlamah chuan a hnuaia tarlan bak zawng chu engkim phal a ni ang:

Metro rail, Cinema Hall, gymnasium, swimming pool, intihhlimna park, theatre, bar, auditorium, assembly hall leh hetiang lam chi hmunte; Social/political/sports/entertainment/academic/cultural/sakhaw thila punkhawmna leh lian tham a punkhawmna dangte. 

A chung a tarlante phalna hawn hun tur chu dinhmun zirchiang chungin a hran teuh a ngaihtuah tur a ni.

Containment Zone ah chuan inkharkhip hi khauh taka July ni 31, 2020 thleng a kalpui tur a ni a. COVID-19 darh dan thlir chungin State/UT sorkar-te'n fimkhur takin containment zone-te hi an siam ang a.  Heng hmunahte hian hri darhlohna atana  inkaihhruaina dan siamte chu khauh taka kalpui tur a ni ang.

MOHFW chuan Containment Zone a puan anih chhan leh kalpui dan chungchang leh hridarh tur ven anih dan hi ulukin a thlir zui ang a. Containment zone pawn lama inkaihruaina leh kalphung tur chu State malin a ruahman dawn a ni.

State leh UT-te chuan dinhmun an zirchianna behchhanin containment zone pawnlamah pawh a tul ang zelin khapna leh inkhuahkhirhna an siam dawn a. Amaherawh chu inter-state leh intra-state a mipui leh bungraw phur veivak chu khap a ni lovang. Heng atana veivah phalna/remtihna/e-permit hran siam loh tur a ni.

Zan curfew

Zan curfew neih chhunzawm a ni ang a; tul bik leh Unlock 2 in thlahdulna a siam tihloh zawng atan zan dar 10 atang a zing dar 5 thleng curfew chhunzawm tur a ni. 

Social distancing kalpui chhunzawm anih theihna atan COVID-19 management atan a national directives chu rampumah hman chhunzawm tur a ni a. Dawrte chuan anmahni dawrtute tan physical distancing a awm theihna atan ruahmanna an siam tur a ni a. MHA chuan National Directives hi zawm that anih leh nihloh a enthlithlai reng dawn a ni.

Dinhmun derthawng zawkte venhim dan tur

Dinhmun derthawngte - kum 65 chunglam, natna benvawn nei, nu naupai leh naupang kum 10 hnuai lamte chu damlohna leh thiltul bikah lo chuan  in a inkhung tura rawn an ni. 

Aarogya Setu hman chungchang 

Aarogya Setu mobile application chu hman zel tura infuih chhunzawm tur a ni.


- PIB Aizawl