Aizawl | June 19, 2020: National TB Elimination Programme chuan 1st Quarter 2020 Review Meeting vawiin khan neiin, mi 636 te chu TB vei tih hmuhchhuah an nih thu hriat a ni.
He Review Meeting hi Video Conference hmanga neih niin State TB Officer Dr. Zothankhuma Chhakchhuak kaihhruaina in District TB Center tin te nen neih a ni.
Report a a lan dan chuan tun Jan - March 2020 chhung khan TB vei rinhlelh mi 3469 test an ni a. Heng atang hian mi 636 te chu TB vei tih hmuhchhuah an ni.
Tin MDR-TB (Drugs resistance TB) vei mi 48 hmuhchhuah an ni bawk. TB vei tihdam zat hi 92.54% a ni a. TB vei hmuhchhuah hi Aizawl district chhungah tam
berin mi 466 hmuhchhuah an ni. Nikum khan Mizoram pumah TB vei mi 2927 hmuhchhuah alo ni tawh a ni.
TB vei ten thlatin ei tur tha an leina tur Nikshay Poshan Yojana kaltlanga Rs. 500 an dawn thin chu May 2020 a alan dan chuan mi 4187 (88.65%) ten he
hamthatna hi an dawng mek a ni.
Post a Comment
He post chungchanga i ngaihdan lo sawi ve rawh: